ამ ეტაპისთვის სახელმწიფოს კომპენსაცია არ გადაუხდია – მინისტრის მოადგილე არბიტრაჟებზე

ამ ეტაპისთვის სახელმწიფოს კომპენსაცია არ გადაუხდია – მინისტრის მოადგილე არბიტრაჟებზე

“არის საქმეები, რომლებსაც საქართველო იგებს, არის საქმეები სადაც მომჩივნები იგებენ,”- ასე უპასუხა იუსტიციის მინისტრის მოადგილემ, ბექა ძამაშვილმა ჟურნალისტების კითხვას საერთაშორისო საარბიტრაჟო დავებზე, რომლებშიც საქართველოს მთავრობა არის ჩართული. ძამაშვილის თქმით, ბოლო ერთ წელში საქართველომ სამი დავა მოიგო, სადაც მოპასუხე მხარეებს 200 მილიონი დოლარის კომპენსაციები დაეკისრათ.

კიდევ ერთი საკითხი, რაზეც იუსტიციის მინისტრის მოადგილემ ისაუბრა, ნამახვანჰესის ინვესტორთან, კომპანია ENKA-სთან ახლად დაწყებული საარბიტრაჟო დავაა. ბექა ძამაშვილის თქმით, სარჩელის განხილვა სავარაუდოდ 2-3 წლის განმავლობაში გაგრძელდება.

“საარბიტრაჟო დავებს რაც შეეხება, ის სპეციფიკა აქვთ მათ რომ კონფიდენციალური დავებია. შემიძლია გითხრათ, რომ ბოლო წლის განმავლობაში სახელმწიფომ მოიგო სამი დავა, რომელშიც კომპანიებს დაეკისრათ 200 მილიონ დოლარზე მეტი კომპენსაციების გადახდა.

არის საქმეები, რომლებსაც საქართველო იგებს, არის საქმეები სადაც მომჩივნები იგებენ, ეს არის მუდმივი პროცესი და ეს ნაწილობრივ ერთმანეთს ავსებს. რაღაც ნაწილში ხდება კომპენსაციის სახელმწიფოს სასარგებლოდ გადახდა, რაღაც ნაწილში გვიწევს მომჩივნისთვის გადახდა.

ამ ეტაპისთვის სახელმწიფოს ჯერ არ გადაუხდია არცერთი კომპენსაცია. ინტერ რაოს საქმე, რაც დასახელდა, ის გასაჩივრებულია სტოკჰოლმის სასამართლოში და შესაბამისად, გამოვიყენებთ ყველა საშუალებას რომ სამართლებრივად ამოიწუროს პროცედურები.

რაც შეეხება ენკას, ეს არის დავის ძალიან საწყის ეტაპზე და დაახლოებით 2-3 წელი დასჭირდება არბიტრაჟს რომ მასთან დაკავშირებით მიიღოს გადაწყვეტილება. თავად ამ დავაზე პირველადი პოზიციების გაცვლაც არ მომხდარა ჯერ.

ადვოკატების დაქირავება კი ჯდება თანხა, მაგრამ არბიტრაჟს ახასიათებს ის, რომ თუ დავა წარმატებული იქნება, შემდეგ წაგებულ მხარეს მოუწევს ამ ხარჯების ანაზღაურება,”- განაცხადა ბექა ძამაშვილმა.

მსგავსი სიახლეები

მოლოდინია, რომ EURO 2024-ის ტურისტული პაკეტების ღირებულება მინიმუმ 50%-ით გაიზრდება – Travelfy

მოლოდინია, რომ EURO 2024-ის ტურისტული პაკეტების ღირებულება მინიმუმ 50%-ით…

ტურისტული კომპანია Travelfy-ის მარკეტინგის მენეჯერის თქმით, EURO 2024-ისთვის შექმნილ პაკეტებზე მოთხოვნა ძალიან მაღალია. BM.GE-სთან საუბრისას მარიამ დგებუაძე ამბობს, რომ კომპანიაში ტურისტულ…
2023 წელს „გადაიღე საქართველოში“ პროგრამით 9 ფილმის გადაღება უკვე დასრულდა – რომელი ქვეყნებიდან იყო ინტერესი?

2023 წელს „გადაიღე საქართველოში“ პროგრამით 9 ფილმის გადაღება უკვე…

სახელმწიფო პროგრამის „გადაიღე საქართველოში“-ს ფარგლებში 2023 წელს ხელშეკრულება 11 პროექტის გადაღებაზე გაფორმდა, საიდანაც გადაღებები 9 ფილმზე უკვე დასრულდა. აღნიშნულის შესახებ სააგენტო…
საქართველოში OneRepublic-ის, Jungle-ის და Scorpions-ის კონცერტები გაიმართება

საქართველოში OneRepublic-ის, Jungle-ის და Scorpions-ის კონცერტები გაიმართება

Black Sea Arena საქართველოში 2024 წლის კამპანიას – „Starring Georgia“-ს იწყებს და ქვეყანაში დაგეგმილი კონცერტების თარიღებსა და მსოფლიოში ცნობილი პოპულარული არტისტების…