2022 წლის 10 თვეში საქართველომ უცხოეთში ექსპორტზე 4.54 მილიარდი დოლარის ღირებულების საქონელი გაიტანა, რაც წინა წელთან შედარებით 34%-ით მეტია.
საქსტატის მიხედვით, უმსხვილესი საექსპორტო საქონელი სპილენძის მადნები და კონცენტრატებია. სულ 2022 წლის 10 თვეში ქვეყნიდან 842 მილიონი დოლარის ღირებულების სპილენძის კონცენტრატები გავიდა, რაც წინა წელთან შედარებით 28%-ით მეტია. 77%-ით გაიზარდა ავტოექსპორტი და მან $661 მილიონს მიაღწია.
სულ საქართველოს 10 უმსხვილესი საექსპორტო საქონელი ასე ნაწილდება:
1) სპილენძის მადნები და კონცენტრატები – $842 მილიონი, მატება წინა წელთან 28% (ამ საქონლის უდიდესი ნაწილი სინამდვილეში რეექსპორტს წარმოადგენს, რადგანაც წელს საქართველოში 623 მილიონის სპილენძის მადნების იმპორტი მოხდა). 2) მსუბუქი ავტომობილების რეექსპორტი – $661 მილიონი, მატება წინა წელთან 77%; 3) ფეროშენადნობები – $447 მილიონი, მატება წინა წელთან 18%; 4) აზოტოვანი სასუქები – $222 მილიონი, მატება წინა წელთან 190%; 5) ღვინოები – $200 მილიონი, მატება წინა წელთან 6.2%; 6) სპირტიანი სასმელები – $121 მილიონი, კლება წინა წელთან 1%; 7) მინერალური და მტკნარი წყლები – $92 მილიონი, კლება წინა წელთან 22%; 8) მედიკამენტები – $91 მილიონი, მატება წინა წელთან 14%; 9) ელექტროენერგია – $84 მილიონი, მატება წინა წელთან 455%; 10) თხილი – $75 მილიონი, კლება წინა წელთან 14%.
სხვა დანარჩენი საქონელი – 1.7 მილიარდი, მატება წინა წელთან 32%.
ფინანსთა მინისტრმა ლაშა ხუციშვილმა და ეროვნული ბანკის პრეზიდენტის მოვალეობის შემსრულებელმა ნათია თურნავამ IMF-ის მმართველი დირექტორის მოადგილესთან, ბო ლისთან გამართეს შეხვედრა. მხარეთა…
ევროპის ცენტრალური ბანკის ხელმძღვანელის, კრისტინ ლაგარდის განცხადებით, უწყება რეფინანსირების განაკვეთს უახლოეს მომავალში შეამცირებს. მართალია, ბანკირს ზუსტი თარიღი არ დაუსახელებია, თუმცა ექსპერტები…
კომპანია „თელასმა“ 2024 წლის პირველი კვარტალის ოპერაციული მაჩვენებლები გამოაქვეყნა. ანგარიშის მიხედვით, თბილისის აბონენტების მიერ მოხმარებული ელექტროენერგია წლიურად 5.5%-ით არის გაზრდილი. ასევე…