ქართული ღვინის ექსპორტის 85-90% წითელი ღვინოა – ლევან მეხუზლა

ქართული ღვინის ექსპორტის 85-90% წითელი ღვინოა – ლევან მეხუზლა

„ქართული ღვინის ექსპორტის 85-90% წითელი ღვინოა“ – ამის შესახებ ღვინის ეროვნული სააგენტოს ხელმძღვანელმა „საქმიან დილაში“ ღვინის ექსპორტის მაჩვენებლების შეფასებისას განაცხადა.

ლევან მეხუზლამ აღნიშნა, რომ რუსეთ-უკრაინის ომის მიუხედავად, ექსპორტის მაჩვენებლები შენარჩუნებულია. საერთაშორისო ბაზრებზე წითელ ღვინოზე მაღალი, ხოლო თეთრზე დაბალი მოთხოვნა კი ქვეყანაში რთველის პროცესზე ახდენს გავლენას, რაც სახელმწიფოს მხრიდან თეთრი ყურძნის სუბსიდირებაში გამოიხატება.

„ღვინის ექსპორტი ამ ეტაპისთვის სტაბილურია, მიუხედავად ომისა, ვინარჩუნებთ შარშანდელ მაჩვენებელს, რაც ვფიქრობ, ობიექტური მიზეზების გამო, კარგი შედეგია. მიუხედავად იმისა, რომ გვინდა ორციფრიანი ზრდა იყოს, ამ ეტაპზე გასული წლის ექსპორტის შენარჩუნებაც კარგი მაჩვენებელია. ქართული ღვინის ექსპორტის 85-90% წითელი ღვინოა, რაც აისახება კიდეც რთველზე.

ბოლო წლების განმავლობაში საფერავის ჯიშის ყურძენი სახელმწიფოდან ჩარევის გარეშე ბარდება. თეთრი ჯიშის ყურძნები კი, რომელიც ძირითადად მაღალალკოჰოლური საბრენდე სპირტის დასამზადებლად გამოიყენება, სამწუხაროდ, იმდენად მოთხოვნადი არ არის. ომმა ამ კუთხით პირდაპირი გავლენა იქონია, რამეთუ ჩვენი საბრენდე სპირტის უმეტესი ნაწილი უკრაინაზე იყო მიბმული. სწორედ თეთრ ყურძენზე მოახდინა რუსეთ-უკრაინის ომმა გავლენა და ამიტომ თეთრი ყურძნის სუბსიდირება დაგვჭირდა“, – განმარტა ლევან მეხუზლამ.

ცნობისთვის, 2022 წლის 8 თვეში, ქართული ღვინის ექსპორტი 1.2%-ით გაიზარდა და ჯამში ექსპორტზე 146.4 მლნ დოლარის ღირებულების ღვინო გავიდა. აღსანიშნია, რომ ღვინის მთავარ საექსპორტო ბაზარზე რუსეთში ღვინის ექსპორტი ამ პერიოდში 8.8%-ით გაიზარდა, უკრაინაში კი 58.6%-ით შემცირდა.

მსგავსი სიახლეები

მოლოდინია, რომ EURO 2024-ის ტურისტული პაკეტების ღირებულება მინიმუმ 50%-ით გაიზრდება – Travelfy

მოლოდინია, რომ EURO 2024-ის ტურისტული პაკეტების ღირებულება მინიმუმ 50%-ით…

ტურისტული კომპანია Travelfy-ის მარკეტინგის მენეჯერის თქმით, EURO 2024-ისთვის შექმნილ პაკეტებზე მოთხოვნა ძალიან მაღალია. BM.GE-სთან საუბრისას მარიამ დგებუაძე ამბობს, რომ კომპანიაში ტურისტულ…
2023 წელს „გადაიღე საქართველოში“ პროგრამით 9 ფილმის გადაღება უკვე დასრულდა – რომელი ქვეყნებიდან იყო ინტერესი?

2023 წელს „გადაიღე საქართველოში“ პროგრამით 9 ფილმის გადაღება უკვე…

სახელმწიფო პროგრამის „გადაიღე საქართველოში“-ს ფარგლებში 2023 წელს ხელშეკრულება 11 პროექტის გადაღებაზე გაფორმდა, საიდანაც გადაღებები 9 ფილმზე უკვე დასრულდა. აღნიშნულის შესახებ სააგენტო…
საქართველოში OneRepublic-ის, Jungle-ის და Scorpions-ის კონცერტები გაიმართება

საქართველოში OneRepublic-ის, Jungle-ის და Scorpions-ის კონცერტები გაიმართება

Black Sea Arena საქართველოში 2024 წლის კამპანიას – „Starring Georgia“-ს იწყებს და ქვეყანაში დაგეგმილი კონცერტების თარიღებსა და მსოფლიოში ცნობილი პოპულარული არტისტების…