წლის განმავლობაში მონეტარული პოლიტიკა გამკაცრებული დარჩება – მესტვირიშვილი

წლის განმავლობაში მონეტარული პოლიტიკა გამკაცრებული დარჩება – მესტვირიშვილი

ეროვნული ბანკის ვიცე-პრეზიდენტი არჩილ მესტვირიშვილი აცხადებს, რომ ინფლაციის მაჩვენებლის შემცირების მიუხედავად, მიმდინარე წელს მონეტარული პოლიტიკა მაინც გამკაცრებული დარჩება.

დღეს სებ-ის მონეტარული პოლიტიკის კომიტეტმა რეფინანსირების განაკვეთი 0.5 პროცენტული პუნქტით შეამცირა, შედეგად ქვეყანაში განაკვეთი 10.5%-მდე შემცირდა.

სებ-ის თანახმად, ინფლაციის კლებას, დიდწილად, იმპორტირებული პროდუქტების ფასების შემცირება განაპირობებს. საერთაშორისო სასაქონლო ბაზრებზე ფასები 2022 წლის შუა პერიოდიდან ეტაპობრივად იკლებს, ხოლო საერთაშორისო ტრანსპორტირების ღირებულება პანდემიამდელ დონეს დაუახლოვდა. ეს ტენდენციები გამყარებულ გაცვლით კურსთან ერთად, ადგილობრივ ბაზარს ეტაპობრივად გადმოეცემა და იმპორტირებულ ინფლაციას ამცირებს.

“წლის ბოლოს და მთელი წლის განმავლობაში მოველით, რომ ინფლაცია მიზნობრივზე მნიშვნელოვნად დაბალი იქნება. დღევანდელი ვითარებიდან გამომდინარე, წლის ბოლოს ჩვენი პროგნოზით დაახლოებით 1%-ის ფარგლებში იქნება ინფლაცია. აქედან გამომდინარე, არ ვთვლით, რომ ეს დროებითია. რაც შეეხება წამლებზე ფასების შემცირებას, ამას გავლენა ჰქონდა და მთლიანი ინფლაცია უფრო სწრაფად შემცირდა, ვიდრე სხვა შემთხვევაში მოხდებოდა. ეს სოციალურად რა თქმა უნდა, ძალიან მნიშვნელოვანი იყო, თუმცა ჩვენი პოლიტიკიდან გამომდინარე უფრო მნიშვნელოვანია, როგორ იქცევა ინფლაცია. აქედან გამომდინარე, გამკაცრებულ მონეტარულ პოლიტიკას მაინც ვინარჩუნებთ. განაკვეთების შემცირების მიუხედავად, კიდევ ველით, რომ განაკვეთი შემცირდება, წლის განმავლობაში მონეტარული პოლიტიკა მაინც გამკაცრებული დარჩება”,-განაცხადა მესტვირიშვილმა.

მსგავსი სიახლეები

მოლოდინია, რომ EURO 2024-ის ტურისტული პაკეტების ღირებულება მინიმუმ 50%-ით გაიზრდება – Travelfy

მოლოდინია, რომ EURO 2024-ის ტურისტული პაკეტების ღირებულება მინიმუმ 50%-ით…

ტურისტული კომპანია Travelfy-ის მარკეტინგის მენეჯერის თქმით, EURO 2024-ისთვის შექმნილ პაკეტებზე მოთხოვნა ძალიან მაღალია. BM.GE-სთან საუბრისას მარიამ დგებუაძე ამბობს, რომ კომპანიაში ტურისტულ…
2023 წელს „გადაიღე საქართველოში“ პროგრამით 9 ფილმის გადაღება უკვე დასრულდა – რომელი ქვეყნებიდან იყო ინტერესი?

2023 წელს „გადაიღე საქართველოში“ პროგრამით 9 ფილმის გადაღება უკვე…

სახელმწიფო პროგრამის „გადაიღე საქართველოში“-ს ფარგლებში 2023 წელს ხელშეკრულება 11 პროექტის გადაღებაზე გაფორმდა, საიდანაც გადაღებები 9 ფილმზე უკვე დასრულდა. აღნიშნულის შესახებ სააგენტო…
საქართველოში OneRepublic-ის, Jungle-ის და Scorpions-ის კონცერტები გაიმართება

საქართველოში OneRepublic-ის, Jungle-ის და Scorpions-ის კონცერტები გაიმართება

Black Sea Arena საქართველოში 2024 წლის კამპანიას – „Starring Georgia“-ს იწყებს და ქვეყანაში დაგეგმილი კონცერტების თარიღებსა და მსოფლიოში ცნობილი პოპულარული არტისტების…