EU-ს სანქციების ახალი პაკეტი რუსეთთან $12 მილიარდის სავაჭრო ბრუნვას შეზღუდავს

EU-ს სანქციების ახალი პაკეტი რუსეთთან $12 მილიარდის სავაჭრო ბრუნვას შეზღუდავს

რუსეთ-უკრაინის ომის წლისთავზე ევროკავშირის წევრმა ქვეყნებმა სანქციების მე-10 პაკეტზე მიაღწიეს შეთანხმებას. კანონმდებლების შეფასებით, ეს ომის პერიოდში მიღებული ყველაზე ძლიერი სასანქციო პაკეტია, რომელიც წლიურად თითქმის 12 მილიარდი დოლარის მოცულობის ვაჭრობის შეზღუდვას ითვალისწინებს ევროკავშირსა და რუსეთს შორის.

საერთო ჯამში, ევროკავშირის მიერ 35 მილიარდი დოლარის სასაქონლო ბრუნვაა შეზღუდული, რაც იმას გულისხმობს, რომ ომის დაწყების შემდეგ, რუსეთსა და EU-ს შორის სწორედ ამ მოცულობის იმპორტ-ექსპორტი შეიზღუდა.

ევროკომისიის განმარტებით, სანქციები უკვე ვრცელდება საერთო სავაჭრო ბრუნვის 49%-ზე და მომავალში ეს წილი კიდევ უფრო მეტად გაიზრდება, რაც რუსეთის ეკონომიკურ იზოლაციას შეუწყობს ხელს.

ცნობისთვის, 2021 წელს EU-რუსეთის სავაჭრო ბრუნვა 272 მილიარდ დოლარს შეადგენდა, აქედან $167 მილიარდი რუსული ექსპორტი იყო.

სანქციების ახალი პაკეტი სხვადასხვა სექტორში ვაჭრობის შეზღუდვას, ტექნოლოგიების ექსპორტის კონტროლს, მათ შორის დრონების, ვერტმფრენებისა და რაკეტების ექსპორტის შეზღუდვას ითვალისწინებს. გარდა ამისა, აქტიურად მიმდინარეობს განხილვა რუსეთთან ბრილიანტებით ვაჭრობის შეწყვეტაზეც, რაც მოსკოვისთვის ერთ-ერთ კრიტიკული მნიშვნელობის ინდუსტრიას წარმოადგენს.

სანქციების მე-10 პაკეტით ბანკებისთვის ახალი ვალდებულებაც განისაზღვრა, კერძოდ, ისინი ვალდებულნი იქნებიან, EU-ს მარეგულირებელს დეტალური ინფორმაცია მიაწოდონ რუსეთის ცენტრალური ბანკისა და სანქცირებული საფინანსო ორგანიზაციების აქტივების შესახებ. ანალიტიკოსების შეფასებით, ამით ევროკავშირი პირველ ნაბიჯებს დგამს რუსეთის დასავლეთში არსებული აქტივების აღრიცხვის მიმართულებით, რომლის უკრაინისთვის გადაცემაზეც უკვე დიდი ხანია მიმდინარეობს მსჯელობა.

გარდა ამისა, EU-ს სანქციები მესამე ქვეყანაზე, ირანზეც გავრცელდება. კერძოდ, დასანქცირდება შვიდი ირანული კომპანია, რომლებიც რუსეთთან ომის დროს თანამშრომლობენ, რაც რუსეთისთვის დრონების გადაცემაში გამოიხატება, რომლებსაც თავის მხრივ, რუსეთი სამოქალაქო ობიექტებზე თავდასხმისთვის იყენებს.

მე-10 პაკეტი ასევე ითვალისწინებს რუსული ბანკების SWIFT-ის სისტემიდან ჩახსნასაც, მათ შორის Alfa ბანკი და Tinkoff ბანკი.

მსგავსი სიახლეები

მოლოდინია, რომ EURO 2024-ის ტურისტული პაკეტების ღირებულება მინიმუმ 50%-ით გაიზრდება – Travelfy

მოლოდინია, რომ EURO 2024-ის ტურისტული პაკეტების ღირებულება მინიმუმ 50%-ით…

ტურისტული კომპანია Travelfy-ის მარკეტინგის მენეჯერის თქმით, EURO 2024-ისთვის შექმნილ პაკეტებზე მოთხოვნა ძალიან მაღალია. BM.GE-სთან საუბრისას მარიამ დგებუაძე ამბობს, რომ კომპანიაში ტურისტულ…
2023 წელს „გადაიღე საქართველოში“ პროგრამით 9 ფილმის გადაღება უკვე დასრულდა – რომელი ქვეყნებიდან იყო ინტერესი?

2023 წელს „გადაიღე საქართველოში“ პროგრამით 9 ფილმის გადაღება უკვე…

სახელმწიფო პროგრამის „გადაიღე საქართველოში“-ს ფარგლებში 2023 წელს ხელშეკრულება 11 პროექტის გადაღებაზე გაფორმდა, საიდანაც გადაღებები 9 ფილმზე უკვე დასრულდა. აღნიშნულის შესახებ სააგენტო…
საქართველოში OneRepublic-ის, Jungle-ის და Scorpions-ის კონცერტები გაიმართება

საქართველოში OneRepublic-ის, Jungle-ის და Scorpions-ის კონცერტები გაიმართება

Black Sea Arena საქართველოში 2024 წლის კამპანიას – „Starring Georgia“-ს იწყებს და ქვეყანაში დაგეგმილი კონცერტების თარიღებსა და მსოფლიოში ცნობილი პოპულარული არტისტების…