ენტონი ბლინკენი – აშშ მხარს უჭერს ფინეთისა და შვედეთის განაცხადს, ვესაუბრე თურქეთის საგარეო საქმეთა მინისტრს, ნატო დისკუსიის, შესაძლო განსხვავებებზე საუბრის ადგილია, მჯერა, მიაღწევენ კონსენსუსს

ენტონი ბლინკენი – აშშ მხარს უჭერს ფინეთისა და შვედეთის განაცხადს, ვესაუბრე თურქეთის საგარეო საქმეთა მინისტრს, ნატო დისკუსიის, შესაძლო განსხვავებებზე საუბრის ადგილია, მჯერა, მიაღწევენ კონსენსუსს

აშშ-ის სახელმწიფო მდივანის ენტონი ბლინკენის განცხადებით, შვედეთი და ფინეთი ნატო-სა და აშშ-ის ახლო, ღირებული პარტნიორები არიან.

მისივე თქმით, აშშ აქტიურად უჭერს მხარს ფინეთისა და შვედეთის წევრობის განაცხადს.

„პატივს ვცემთ მათ ნებისმიერ გადწყვეტილებას. მხარს ვუჭერთ ნატო-ს ღია კარის პოლიტიკას და ყველა ქვეყნის უფლებას, გადაწყვიტონ საკუთარი მომავალი, პოლიტიკა და უსაფრთხოების ზომები. ვისაუბრეთ მადრიდის სამიტზე. ნატო გამოაქვეყნებს უსახფრთხოების ახალ კონცეფციას, თუ როგორ გააძლიერებს ალიანსი ტრანს-ატლანტიკურ უსაფრთხოებას პრეზიდენტ პუტინის აგრესიის, ასევე სხვა მზარდი საფრთხეების ფონზე. უსაფრთხოების ძალისხმევა მიმართული იქნება ნატო-ს აღმოსავლეთ ფლანგის გასამაგრებლად და თავდაცვის პარტნიორობის გასაძლიერებლად რეგიონს მიღმა, მაგალითად, ავსტრალიასთან, იაპონიასთან, სამხრეთ კორეასა და ახალ ზელანდიასთან. მადრიდში ყველა მათგანი წარმოდგენილი იქნება“, – განაცხადა ენტონი ბლინკენმა.

რაც შეეხება ფინეთთან და შვედეთთან დაკავშირებით თურქეთის პოზიციას, ბლინკენის განმარტებით, ნატო არის დისკუსიის, შესაძლო განსხვავებებზე საუბრის ადგილი და სჯერა, რომ ისინი კონსენსუსს მიაღწევენ.

„გუშინ ვესაუბრე თურქეთის საგარეო საქმეთა მინისტრს. როდესაც საქმე ეხება ფინეთსა და შვედეთს, მათ პოტენციურ წევრობას ნატო-ში, ეს არის პროცესი. ნატო არის დიალოგის და დისკუსიის, შესაძლო განსხვავებებზე საუბრის ადგილი. მჯერა, რომ ისინი კონსენსუსს მიაღწევენ“, – აღნიშნა ენტონი ბლინკენმა.

ფინეთმა ნატო-ში გაწევრიანების განაცხადის გაკეთებაზე გადაწყვეტილება დღეს ოფიციალურად გამოაცხადა.

ამასთან, თურქეთის პრეზიდენტმა რეჯეფ თაიფ ერდოღანმა 13 მაისს განაცხადა, რომ თურქეთი ფინეთისა და შვედეთის ნატო-ში გაწევრიანების მომხრე არ არის.

„თვალყურს ვადევნებთ შვედეთთან და ფინეთთან დაკავშირებით მოვლენებს, მაგრამ არ გვაქვს პოზიტიური შეხედულებები“, – განაცხადა რეჯეფ თაიფ ერდოღანმა მედიასთან საუბრისას.

მსგავსი სიახლეები

მოლოდინია, რომ EURO 2024-ის ტურისტული პაკეტების ღირებულება მინიმუმ 50%-ით გაიზრდება – Travelfy

მოლოდინია, რომ EURO 2024-ის ტურისტული პაკეტების ღირებულება მინიმუმ 50%-ით…

ტურისტული კომპანია Travelfy-ის მარკეტინგის მენეჯერის თქმით, EURO 2024-ისთვის შექმნილ პაკეტებზე მოთხოვნა ძალიან მაღალია. BM.GE-სთან საუბრისას მარიამ დგებუაძე ამბობს, რომ კომპანიაში ტურისტულ…
2023 წელს „გადაიღე საქართველოში“ პროგრამით 9 ფილმის გადაღება უკვე დასრულდა – რომელი ქვეყნებიდან იყო ინტერესი?

2023 წელს „გადაიღე საქართველოში“ პროგრამით 9 ფილმის გადაღება უკვე…

სახელმწიფო პროგრამის „გადაიღე საქართველოში“-ს ფარგლებში 2023 წელს ხელშეკრულება 11 პროექტის გადაღებაზე გაფორმდა, საიდანაც გადაღებები 9 ფილმზე უკვე დასრულდა. აღნიშნულის შესახებ სააგენტო…
საქართველოში OneRepublic-ის, Jungle-ის და Scorpions-ის კონცერტები გაიმართება

საქართველოში OneRepublic-ის, Jungle-ის და Scorpions-ის კონცერტები გაიმართება

Black Sea Arena საქართველოში 2024 წლის კამპანიას – „Starring Georgia“-ს იწყებს და ქვეყანაში დაგეგმილი კონცერტების თარიღებსა და მსოფლიოში ცნობილი პოპულარული არტისტების…