GITA – ს მხარდაჭერით, თბილისი ანგელოზ ინვესტორთა მე-3  საერთაშორისო სამიტს მასპინძლობს

GITA – ს მხარდაჭერით, თბილისი ანგელოზ ინვესტორთა მე-3 საერთაშორისო სამიტს მასპინძლობს

საქართველოს ინოვაციების და ტექნოლოგიების სააგენტოს მხარდაჭერით,
ქართული კომპანიებისთვის ახალი შესაძლებლობების გაჩენის,
ინვესტიციების მოზიდვისა და ევროპის ქვეყნებთან ბიზნეს კავშირების
გაღრმავების მიზნით, თბილისი, უკვე მესამედ, ანგელოზ (ადრეული ეტაპის)
ინვესტორთა საერთაშორისო სამიტს მასპინძლობს.
სამიტის ფარგლებში, საქართველოს სტუმრობენ ევროპის ანგელოზ
ინვესტორთა ქსელის (EBAN) წარმომადგენლები და ინვესტორები
საბერძნეთიდან, სლოვენიიდან, საფრანგეთიდან და ესტონეთიდან. ვიზიტის
მიზანია საქართველოში „ანგელოზი ინვესტორების“ კულტურის გაძლიერება
და თბილისის საინვესტიციო პოტენციალის პოპულარიზაცია, ინვესტორების
დაინტერესებისა და ადგილობრივი ბიზნესისთვის დამატებითი საინვესტიციო
შესაძლებლობების შექმნის საშუალებით.
ვიზიტის პროგრამა მოიცავს შეხვედრებს ადგილობრივი ტექნოლოგიური
ბიზნესის წარმომადგენლებთან, პანელურ დისკუსიებს, ვორქშოფებს,
პრეზენტაციებს, ნეთვორქინგსა და სპეციალურ “ფიჩინგ ვორქშოფს” (Pitching
workshop) სტარტაპებისთვის. ღონისძიებებისას განიხილავენ საქართველოს
სტარტაპ ეკოსისტემას, ტექ-ბიზნესში ინვესტირების შესაძლებლობებს, პრე-
აქსელერაციისა და აქსელერაციის პროგრამებსა და მათ როლს
ინვესტირებისთვის სტარტაპების მომზადების პროცესში. “ფიჩინგ ვორქშოფი”
კი წინასწარ დარეგისტრირებულ ადგილობრივ ტექნოლოგიურ კომპანიებს
შესაძლებლობას აძლევს, ისწავლონ საკუთარი საინვესტიციო პროექტების
წარდგენა ინვესტორების წინაშე.
სტარტაპის დამფუძნებლები, რომლებსაც სურვილი აქვთ, “ფიჩინგ
ვორკშოპის” ფარგლებში, საკუთარი კომპანიები წარადგინონ ქართველი და
უცხოელი ინვესტორების წინაშე, უნდა დარეგისტრირდნენ შემდეგ ბმულზე:
https://forms.gle/BRWa4n8QQeSj9pDG7.
სამიტის ფარგლებში ასევე გაიმართება Founder Institute-ის პანელური
დისკუსია/ვორქშოფი სტარტაპების დაფინანსების თემაზე. ღონისძიებაზე
გამოცდილი ვენჩერული კაპიტალისტები და ანგელოზ ინვესტორები
დეტალურად განიხილავენ კომპანიისთვის ინვესტიციის მოზიდვის გზებს. ანგელოზ ინვესტორთა ვიზიტი დედაქალაქში თანადაფინანსებულია
თბილისის მერიისა და ევროკავშირის მიერ. ბიზნეს აქსელერატორი “სპარკი”
და საქართველოს ანგელოზ ინვესტორთა ქსელი „აქსელი“ მომავალშიც
განაგრძობენ სტარტაპ ეკოსისტემის განვითარების ხელშემწყობ პროგრამებს.

მსგავსი სიახლეები

მოლოდინია, რომ EURO 2024-ის ტურისტული პაკეტების ღირებულება მინიმუმ 50%-ით გაიზრდება – Travelfy

მოლოდინია, რომ EURO 2024-ის ტურისტული პაკეტების ღირებულება მინიმუმ 50%-ით…

ტურისტული კომპანია Travelfy-ის მარკეტინგის მენეჯერის თქმით, EURO 2024-ისთვის შექმნილ პაკეტებზე მოთხოვნა ძალიან მაღალია. BM.GE-სთან საუბრისას მარიამ დგებუაძე ამბობს, რომ კომპანიაში ტურისტულ…
2023 წელს „გადაიღე საქართველოში“ პროგრამით 9 ფილმის გადაღება უკვე დასრულდა – რომელი ქვეყნებიდან იყო ინტერესი?

2023 წელს „გადაიღე საქართველოში“ პროგრამით 9 ფილმის გადაღება უკვე…

სახელმწიფო პროგრამის „გადაიღე საქართველოში“-ს ფარგლებში 2023 წელს ხელშეკრულება 11 პროექტის გადაღებაზე გაფორმდა, საიდანაც გადაღებები 9 ფილმზე უკვე დასრულდა. აღნიშნულის შესახებ სააგენტო…
საქართველოში OneRepublic-ის, Jungle-ის და Scorpions-ის კონცერტები გაიმართება

საქართველოში OneRepublic-ის, Jungle-ის და Scorpions-ის კონცერტები გაიმართება

Black Sea Arena საქართველოში 2024 წლის კამპანიას – „Starring Georgia“-ს იწყებს და ქვეყანაში დაგეგმილი კონცერტების თარიღებსა და მსოფლიოში ცნობილი პოპულარული არტისტების…