ნოემბერში ფულადი გზავნილები $298 მილიონამდე გაიზარდა – რომელი ქვეყნებიდან გადმორიცხეს თანხა?
- ეკოლოგია
- დეკემბერი 15, 2025
- 479
საქართველოს ეროვნული ბანკის ინფორმაციით, 2025 წლის ნოემბერში ქვეყანაში შემოსული ფულადი გზავნილების ნაკადების მოცულობამ 298.39 მლნ აშშ დოლარი შეადგინა, რაც 11.9%-ით მეტია 2024 წლის ნოემბრის ანალოგიურ მაჩვენებელზე.
საქართველოს ეროვნული ბანკის თანახმად, ნოემბერში ყველაზე მეტი თანხა საქართველოში კვლავ ამერიკის შეერთებული შტატებიდან გადმორიცხეს, რაც 58 მილიონ დოლარს შეადგენდა. წლიური ზრდა 16%-ია. მეორე პოზიციას იტალია იკავებს $50 მილიონით, საიდანაც ფულადი გზავნილების ნაკადები 11%-ით გაიზარდა.
რუსეთი კი კვლავ მესამე პოზიციაზეა $38 მილიონი დოლარით, ამასთან რუსეთიდან გზავნილების მოცულობა წინა წელთან შედარებით 29%-ით გაიზარდა.
2025 წლის ნოემბერში საქართველომ ფულადი გზავნილები შემდეგი ქვეყნებიდან მიიღო:
| # | ქვეყანა | გზავნილების ოდენობა – მლნ დოლარი | ზრდა/კლება წინა წლის ანალოგიურ პერიოდთან |
| 1 | აშშ | $58 | 16% |
| 2 | იტალია | $50 | 11% |
| 3 | რუსეთის ფედერაცია | $38 | 29% |
| 4 | გერმანია | $27 | 16% |
| 5 | საბერძნეთი | $25 | 15% |
| 6 | ისრაელი | $24 | 10% |
| 7 | თურქეთი | $9 | 10% |
