არასტაბილურობის ფონზე, ინვესტორები დაფინანსების გადავადებაზე გვესაუბრებიან – მიკროსაფინანსო ასოციაცია

არასტაბილურობის ფონზე, ინვესტორები დაფინანსების გადავადებაზე გვესაუბრებიან – მიკროსაფინანსო ასოციაცია

მიკროსაფინანსო ორგანიზაციების ასოციაციაში აცხადებენ, რომ ქვეყანაში შექმნილი არასტაბილური პოლიტიკური გარემო სექტორზე გარკვეულწილად უკვე აისახება.

როგორც ასოციაციის თავმჯდომარემ BMG-ის განუცხადა, საერთაშორისო საფინანსო ორგანიზაციები, რომლებიც დარგის მნიშვნელოვანი დამფინანსებლები არიან, საქართველოში მიმდინარე მოვლენებთან დაკავშირებით არაერთ კითხვას სვამენ და მათი მხრიდან საუბარი უკვე შეეხო დაფინანსების გამოყოფის გადავადებასაც.

ნინო დევდარიანის თქმით, მაისში დარგის წარმომადგენლები საერთაშორისო კონფერენციაზე იმყოფებოდნენ, სადაც ინვესტორებისგან ერთგვარი სიგნალი მიიღეს, რომ ისინი ქვეყანაში შექმნილ ვითარებას აკვირდებიან და ფინანსური სახსრების გამოყოფა მოსალოდნელია, რომ რამდენიმე თვით გადავადდეს.

მისივე თქმით, შექმნილი სიტუაცია სექტორს ფუნქციონირებაში ხელს არ შეუშლის, თუმცა სავარაუდოა, რომ მისო-ებისთვის საერთაშორისო დაფინანსების მოზიდვა შედარებით გართულდება

„მაისში მიკროსაფინანსო ორგანიზაციების საერთაშორისო ასოციაციის კონფერენციაზე ვიყავით, რომელიც 30-მდე ქვეყანას აერთიანებს. ეს ის პლატფორმაა, სადაც ჩვენ შესაძლებლობა გვაქვს, რომ მიკროსაფინანსო სეგმენტის დაფინანსებით დაინტერესებულ ინვესტორებს შევხვდეთ. რა თქმა უნდა, ბევრი კითხვები დაისვა საქართველოში მიმდინარე მდგომარეობასთან მიმართებით და პოლიტიკურ სტაბილურობასთან დაკავშირებით. იმ ინვესტორებისთვის, რომლებიც ადგილობრივად არიან წარმოდგენილები და ქვეყანაში უკვე ოპერირებენ, უფრო ნათელია ის მდგომარეობა, რაც ქვეყანაში ხდება. თუმცა გარეთა თვალისთვის ქვეყანაში შექმნილი ვითარება უფრო რისკების მაჩვენებელია და მათთვის დამატებითი ბუნდოვანებაა, რაც ერთი მხრივ, აძვირებს მათგან მოზიდულ სახსრებს ან გარკვეული პერიოდით დროში წელავს ფინანსური სახსრების მოზიდვის შესაძლებლობებს.

აქედან გამომდინარე, გარკვეულწილად იყო საუბარი დაფინანსების გადავადებაზე. ინვესტორებისგან იყო საუბარი, რომ დაგაკვირდებით და ვნახავთ, პოლიტიკური მდგომარეობა როგორ დასტაბილურდება. როდესაც მოლაპარაკებებში შევდივართ ხოლმე, როგორც წესი, პროცესი 1-2 თვეში სრულდება ხოლმე, ახლა ინვესტორებისგან არის საუბრები, რომ კიდევ 2-3 თვე დაგაკვირდებით და ვნახავთ, რა მოხდება. ესაა გადავადების ის ნიშნები, რასაც ვხედავთ.

თუმცა ვერ ვიტყვი, რომ ინვესტორების მხრიდან უნდობლობაა ქართულ მიკროსაფინანსო ორგანიზაციებთან მიმართებით. კომპანიების მიერ საერთაშორისო ინვესტორებისგან მოზიდული სახსრების მოცულობა 350 მლნ ლარს აღემატება და ეს მზარდი მაჩვენებელია. თუმცა შექმნილი ვითარება იმას ნიშნავს, რომ წელს კიდევ უფრო მეტი შრომა დაგვჭირდება, რათა საერთაშორისო ინსტიტუტებიდან სახსრები მოვიზიდოთ“, – განაცხადა ნინო დევდარიანმა.

 

bm.ge

მსგავსი სიახლეები

ვეყანაში ცხოვრების დონე ყოველწლიურად უმჯობესდება – ირაკლი კობახიძე

ვეყანაში ცხოვრების დონე ყოველწლიურად უმჯობესდება – ირაკლი კობახიძე

ჩვენი ამოცანაა, რომ ჩვენ ქვეყანას აღვუდგინოთ ტრადიციული ფუნქცია, დამაკავშირებელი ფუნქცია, ეს არის დაკავშირება დასავლეთსა და აღმოსავლეთს შორის, ევროპასა და აზიას შორის,…
რუსეთიდან ბენზინის ექსპორტის აკრძალვა აგვისტოდან განახლდება

რუსეთიდან ბენზინის ექსპორტის აკრძალვა აგვისტოდან განახლდება

რუსეთის მთავრობა ბენზინის ექსპორტის აკრძალვას აგვისტოდან გააახლებს. რუსეთის ვიცე-პრემიერის განცხადებით, ენერგეტიკის სამინისტრომ ითხოვა, აკრძალვა სექტემბერ-ოქტომბრამდე გაგრძელდეს. ცნობისთვის, ბენზინის ექსპორტის აკრძალვა რუსეთმა…
საიდან შემოდის ყველაზე ძვირად ღირებული ავტომობილები საქართველოში? – TOP-5

საიდან შემოდის ყველაზე ძვირად ღირებული ავტომობილები საქართველოში? – TOP-5

2024 წლის იანვარ-ივნისში საქართველომ 1.2 მლნ აშშ დოლარის ავტომობილები იყიდა. საქართველოდან კი 933.9 მლნ აშშ დოლარის ავტომობილები გადაყიდა. თითქმის უცვლელია ავტომობილების იმპორტიორი…