აჭარაში, გურიასა და სამეგრელო ზემო სვანეთის რეგიონებში საგზაო სამუშაოების 80-მილიონიანი ტენდერი გამოცხადდა

აჭარაში, გურიასა და სამეგრელო ზემო სვანეთის რეგიონებში საგზაო სამუშაოების 80-მილიონიანი ტენდერი გამოცხადდა

საავტომობილო გზების დეპარტამენტმა გამოაცხადა 80 მილიონი ლარის სავარაუდო ღირებულების ტენდერი აჭარაში, გურიასა და სამეგრელო ზემო სვანეთის რეგიონებში გზების სამშენებლო/სარეაბილიტაციო სამუშაოებისთვის.

სატენდერო განაცხადში დაკონკრეტებული არაა უშუალოდ რომელი გზების სამშენებლო/სარეაბილიტაციო სამუშაოებისთვის ცხადდება აუქციონი.

“აჭარის ავტონომიური რესპუბლიკის, გურიის, სამეგრელოს და ზემო სვანეთის რეგიონებში საერთაშორისო და შიდასახელმწიფოებრივი მნიშვნელობის საავტომობილო გზებზე ჩასატარებელი საგზაო სამუშაოები,”- ნათქვამია განაცხადში.

დოკუმენტაციის თანახმად, მიმწოდებელი კომპანია ვალდებული იქნება საგზაო სამუშაოები ერთმანეთის პარალელურად, 5 სხვადასხვა ლოკაციაზე აწარმოოს. ამასთან, საავტომობილო გზების დეპარტამენტის სატენდერო პირობებში მითითებულია, რომ იმის მიუხედავად, რომ პროექტის სავარაუდო ღირებულება 80 მილიონი ლარია, უწყება არ იღებს ვალდებულებას ამ თანხის სრული მოცულობით ათვისება მოხდება.

“შემსყიდველი არ იღებს ვალდებულებას ხელშეკრულებით გათვალისწინებული სამუშაოების
შესრულების ვადაში ხელშეკრულების ღირებულების სრულად დაკვეთის შესახებ,”- ნათქვამია დოკუმენტაციაში.

სატენდერო პირობების თანახმად, მიმწოდებელმა კომპანიამ სამუშაოები არანაკლებ 3 ბეტონის დამგები აპარატით, 7 ექსკავატორით, 6 სატკეპნით, 25 თვითმცლელით, ბეტონის საფრეზი 2 აპარატით, 3 ავტოამწითა და არანაკლებ 5 ავტოგრეიდერით უნდა აწარმოოს.

 

bm.ge

მსგავსი სიახლეები

ვეყანაში ცხოვრების დონე ყოველწლიურად უმჯობესდება – ირაკლი კობახიძე

ვეყანაში ცხოვრების დონე ყოველწლიურად უმჯობესდება – ირაკლი კობახიძე

ჩვენი ამოცანაა, რომ ჩვენ ქვეყანას აღვუდგინოთ ტრადიციული ფუნქცია, დამაკავშირებელი ფუნქცია, ეს არის დაკავშირება დასავლეთსა და აღმოსავლეთს შორის, ევროპასა და აზიას შორის,…
რუსეთიდან ბენზინის ექსპორტის აკრძალვა აგვისტოდან განახლდება

რუსეთიდან ბენზინის ექსპორტის აკრძალვა აგვისტოდან განახლდება

რუსეთის მთავრობა ბენზინის ექსპორტის აკრძალვას აგვისტოდან გააახლებს. რუსეთის ვიცე-პრემიერის განცხადებით, ენერგეტიკის სამინისტრომ ითხოვა, აკრძალვა სექტემბერ-ოქტომბრამდე გაგრძელდეს. ცნობისთვის, ბენზინის ექსპორტის აკრძალვა რუსეთმა…
საიდან შემოდის ყველაზე ძვირად ღირებული ავტომობილები საქართველოში? – TOP-5

საიდან შემოდის ყველაზე ძვირად ღირებული ავტომობილები საქართველოში? – TOP-5

2024 წლის იანვარ-ივნისში საქართველომ 1.2 მლნ აშშ დოლარის ავტომობილები იყიდა. საქართველოდან კი 933.9 მლნ აშშ დოლარის ავტომობილები გადაყიდა. თითქმის უცვლელია ავტომობილების იმპორტიორი…