განვიხილავთ მოდალური ხელფასის გაანგარიშების შესაძლებლობასაც – გოგიტა თოდრაძე

საქსტატმა სამომავლოდ შესაძლოა მოდალური ხელფასის გაანგარიშებაც დაიწყოს. ამის შესახებ საქსტატის აღმასრულებელმა დირექტორმა გოგიტა თოდრაძემ “ანალიტიკას” ეთერში განაცხადა.

მან ისაუბრა იმ მეთოდოლოგიაზე რომელსაც საქსტატი ამჟამად საშუალო არითმეტიკული და მედიანური ხელფასების დათვლისას იყენებს.

“ორივე მაჩვენებელი, საშუალო არითმეტიკული და მედიანური ხელფასი, წარმოადგენს ცენტრალური ტენდენციის საზომს. ისინი კი არ ანაცვლებენ, არამედ ავსებენ ერთმანეთს. საშუალო მაჩვენებელი უფრო სენსიტიურია და მასზე მოქმედებს ნებისმიერი დასაქმებულის ხელფასის ცვლილება. უკიდურესი წევრები მედიანაზე გავლენას ვერ ახდენენ. ანალიზისთვის, სტატისტიკაში ორივე მაჩვენებელი მნიშვნელოვანია და უმჯობესია ორივეს გამოყენება. არის ასევე მოდალური ხელფასი, ყველაზე გავრცელებული ხელფასის მნიშვნელობა რომელია. სამწუხაროდ, ამ ეტაპზე არ ვითვლით, თუმცა სამომავლოდ განვიხილავთ ამის გაანგარიშების შესაძლებლობასაც”,- ამბობს გოგიტა თოდრაძე.