დაგროვებითი პენსიით 16 229-მა ადამიანმა ისარგებლა – სააგენტო
- ეკონომიკასაზოგადოება
- თებერვალი 11, 2025
- 226
2025 წლის 31 იანვრის მდგომარეობით, დაგროვებითი პენსიით 16 229-მა ადამიანმა ისარგებლა და მათზე პენსიის სახით 65.8 მლნ ლარი გაიცა.
საპენსიო სააგენტოს 31 იანვრის მონაცემებით, სქემაში გაწევრიანებულ მონაწილეთა რაოდენობა 1 მილიონ 591 ათასი ადამიანია.
31 იანვრის მდგომარეობით, საპენსიო სააგენტოს აქტივების მოცულობამ 6.3 მილიარდ ლარს, ხოლო ჯამურმა ამონაგებმა 1.54 მილიარდ ლარს მიაღწია.
ცნობისთვის, „დაგროვებითი პენსიის შესახებ“ საქართველოს კანონის თანახმად, პენსიის/საპენსიო აქტივების მიღება შესაძლებელია შემდეგ შემთხვევებში:
- მონაწილის მიერ საპენსიო ასაკის მიღწევისას;
- მონაწილის შესაძლებლობის შეზღუდვისას;
- საპენსიო აქტივების მონაწილის მემკვიდრისთვის გადაცემა;
- საქართველოს სამუდამოდ დატოვებისას.
