“ირიბად თუ პირდაპირ, საბანკო სექტორის პრობლემები თითოეულ მოქალაქეს შეეხება” – გიორგი ქადაგიძე

“ირიბად თუ პირდაპირ, საბანკო სექტორის პრობლემები თითოეულ მოქალაქეს შეეხება” – გიორგი ქადაგიძე

ეროვნული ბანკის ყოფილი ხელმძღვანელი, გიორგი ქადაგიძე BMGTV-ს გადაცემაში, BMGDRIVE საბანკო სექტორის არსებულ გამოწვევებზე საუბრობს და განმარტავს, რომ ფული, რომელიც დეპოზიტის სახით აქვს ბანკს მიღებული, ის გრძელვადიან კრედიტებში აქვს დაბანდებული. ხოლო, როდესაც ფულის გადინება სწრაფად ხდება, კრედიტების ავტომატური განაღდება ვეღარ ხდება, რაც ლიკვიდობის კრიზისს იწვევს.

“საქართველოში საბანკო სექტორი სერიოზულ გამოწვევების წინაშე დგას, რაც უცხო ქვეყნის მოქალაქეების დეპოზიტების შესაძლო გადინებით არის გამოწვეული. უცხოელი ინვესტორების დეპოზიტების მასობრივი გასვლა, საქართველოში ლიკვიდობის კრიზისს გამოიწვევს, რამაც შეიძლება ადგილობრივი ბანკების ფინანსური სტაბილურობა დააზიანოს”, – ამბობს ქადაგიძე.

მისი თქმით, პრობლემები საბანკო სექტორისთვის თითოეულ მოქალაქეს შეეხება.

„კრედიტების “ჩაფუშვა” ნიშნავს შემცირებულ ეკონომიკურ აქტივობას, ნაკლებ დაკრედიტებას, ნაკლებ ახალ ობიექტს, ნაკლებ დასაქმებას, ნაკლებ მსყიდველობით უნარიანობას. შესაბამისად, ირიბად თუ პირდაპირ, პრობლემები საბანკო სექტორისთვის თითოეულ მოქალაქეს შეეხება.

საერთაშორისო საბანკო სისტემაში ქართული საბანკო სექტორი ორი სამი ბანკითაა ჩართული. როდესაც საქართველოს მოქალაქე, თუ ქართული ბიზნესი ევროსა თუ დოლარში თანხას რიცხავს, ეს გადარიცხვა ორი ბანკის მეშვეობით ხორციელდება. თუმცა, ამ ბანკებისთვისაც საქართველო მაღალი საფრთხის რისკის შემცველი ქვეყანაა. შესაბამისად, მალე საქართველოს მოქალაქეები მიიღებენ შეტყობინებებს, რომ მათი გადარიცხვები არ განხორციელდა, გაჭიანურდა პროცესები, დამატებითი დოკუმენტები მოითხოვეს, გაჭედვას დაიწყებს მათი სადებეტო ბარათები. ეს კი ნელ-ნელა ეკონომიკური აქტივების შემცირებას, ეკონომიკის დაპატარავებას გამოიწვევს”, – ამბობს ბანკირი.

გიორგი ქადაგიძე ასევე დასძენს, რომ დასავლური ფულის რუსული ფულით ჩანაცვლება უკუეფექტს გამოიწვევს.

„როგორც კი დასავლური კაპიტალის გადინება ხდება და ბაზარზე რუსული ფული შემოდის, დასავლური ფინანსური სისტემისთვის მთლიანად კეთროვანი ხდები და მთლიანად ხდება ჩახსნა. რომ აღარაფერი ვთქვათ იმაზე, რომ მილიარდობით საკრედიტო რესურსია, რომელსაც დასავლური ფინანსური სექტორები ჩახსნიან. ხომ ვხედავთ, ქართული საბანკო აქციების ფასები ქვემოთ მოდის. ეს იქნება შეუქცევადი პროცესი. არ არსებობს იზოლირებულ, ოლიგარქიულ, ჩამორჩენილ ქვეყანაში იყოს ეკონომიკური ზრდა“,- განმარტავს სების ყოფილი ხელმძღვანელი.

 

bm.ge

მსგავსი სიახლეები

ლარი დოლართან მიმართებით გამყარდა, ევროსთან გაუფასურდა

ლარი დოლართან მიმართებით გამყარდა, ევროსთან გაუფასურდა

9 ნოემბრის ვაჭრობის შედეგად ლარი დოლართან მიმართებით გამყარდა. ეროვნული ბანკის მიერ გამოქვეყნებული მონაცემების თანახმად, ერთი აშშ დოლარის ღირებულება 2.5943 ლარი გახდა.…
საქართველოს ეროვნულმა ბანკმა 2026 წელს დამატებით 500 მილიონი დოლარის ოქრო შეიძინა

საქართველოს ეროვნულმა ბანკმა 2026 წელს დამატებით 500 მილიონი დოლარის…

საქართველოს ეროვნული ბანკის საერთაშორისო რეზერვებში მონეტარული ოქროს წილი იზრდება. პორტფელის ზრდა ივნისსა და ოქტომბერში დამატებით 500 მილიონი აშშ დოლარის ღირებულების ოქროს…
“ჩვენ გვაქვს ეკონომიკური განვითარების გეგმა, რომელიც ახალ შესაძლებლობებს შექმნის” – ჩინეთის ვიცე-პრეზიდენტი საქართველოსთან ურთიერთობებზე

“ჩვენ გვაქვს ეკონომიკური განვითარების გეგმა, რომელიც ახალ შესაძლებლობებს შექმნის”…

სტრატეგიული ურთიერთობები სულ უფრო ძლიერდება და ჩვენი სურვილია, კიდევ უფრო განვითარდეს. ვიმედოვნებთ, რომ მომავალშიც განვაგრძობთ საქართველოსთან მეგობრობას, პარტნიორობას და თანამშრომლობას, –…