მსოფლიო ბანკის პროგნოზით, წელს სამხრეთ კავკასიის ეკონომიკის ზრდა 3.7%-მდე შენელდება

2025 წელს სამხრეთ კავკასიაში ზრდა 3%-ზე ოდნავ ზემოთ ნიშნულამდე შენელდება. ამის შესახებ მსოფლიო ბანკის უახლეს ანგარიშშია აღნიშნული, რომელიც ევროპისა და ცენტრალური აზიის ეკონომიკას ეხება.

კერძოდ, უახლესი პროგნოზით, 2024 წლის 5.7%-იანი ზრდის შემდეგ, სამხრეთ კავკასიის ეკონომიკა წელს 3.7%-ით გაიზრდება, ხოლო 2026 წელს 3.3%-ით.

ანგარიშის თანახმად, რეგიონის ეს პროგნოზი ასახავს აზერბაიჯანში ნავთობის წარმოების შემცირების ფონზე ეკონომიკური ზრდის შესუსტებას და სომხეთსა და საქართველოში ზრდის ნორმალიზებას.

საგულისხმოა, რომ მსოფლიო ბანკმა 2025 წლისთვის საქართველოს ეკონომიკურ ზრდის პროგნოზს 1.5 პროცენტული პუნქტით, 7%-მდე გაზარდა. საფინანსო ინსტიტუტი სომხეთის ეკონომიკის 5.2%-იან ზრდას ელის, რაც 1.2 პროცენტული პუნქტით მეტია წინა, ივნისის პროგნოზზე, ხოლო აზერბაიჯანის შემთხვევაში 1.9%-ის ეკონომიკური ზრდაა პროგნოზირებული, რაც 0.7 პროცენტულ პუნქტიანი გაუარესებაა.

მსოფლიო ბანკის უახლესი პროგნოზები ასეთია:

• სომხეთი – 5.2%-ის ეკონომიკური ზრდა, გაუმჯობესება 1.2 პ.პ;
• აზერბაიჯანი – 1.9%-ის ეკონომიკური ზრდა, გაუარესება 0.7 პ.პ;
• საქართველო – 7%-ის ეკონომიკური ზრდა, გაუმჯობესება 1.5 პ.პ;
• რუსეთი – 0.9%-ის ეკონომიკური ზრდა, გაუარესება 0.5 პ.პ;
• თურქეთი – 3.5%-ის ეკონომიკური ზრდა, გაუმჯობესება 0.4 პ.პ;
• ყაზახეთი – 5.5%-ის ეკონომიკური ზრდა, გაუმჯობესება 1 პ.პ;
• უზბეკეთი – 6.2%-ის ეკონომიკური ზრდა, გაუმჯობესება 0.6 პ.პ;
• უკრაინა – 2%-ის ეკონომიკური ზრდა, უცვლელია.