პრემიერის სამუშაო ვიზიტი გერმანიაში პარტნიორებთან თანამშრომლობაში ახალ იმპულსს მოიტანს – დარჩიაშვილი

პრემიერის სამუშაო ვიზიტი გერმანიაში პარტნიორებთან თანამშრომლობაში ახალ იმპულსს მოიტანს – დარჩიაშვილი

პრემიერ – მინისტრის სამუშაო ვიზიტი გერმანიაში მოიტანს ახალ იმპულსს ჩვენს პარტნიორებთან თანამშრომლობის თვალსაზრისით, – ამის შესახებ საგარეო საქმეთა მინისტრმა ილია დარჩიაშვილმა გერმანიაში ჟურნალისტებს განუცხადა.

მისი თქმით, უკრაინის აღდგენის კონფერენციაში პრემიერ-მინისტრის მონაწილეობით კიდევ ერთხელ ხაზი გაესვა იმ ფაქტს, რომ საქართველო მყარად და თანმიმდევრულად უდგას მხარში უკრაინას.

„გერმანიაში ჩატარებული ღონისძიება, რომელიც ეძღვნებოდა უკრაინის აღდგენას და დახმარებას, რომლის ორგანიზებაშიც უშუალოდ გერმანია და გერმანიის კანცლერი, შოლცი იყო ჩართული, კიდევ ერთი მორიგი დემონსტრირებაა უკრაინის და უკრაინელი ხალხის მხარდაჭერის. ძალიან მნიშვნელოვანი იყო, რომ საქართველოს მთავრობის მეთაური დელეგაციასთან ერთად ამ ღონისძიებაში მონაწილეობდა. პრემიერ-მინისტრის მონაწილეობით კიდევ ერთხელ ხაზი გაესვა იმ ფაქტს, რომ საქართველო მყარად და თანმიმდევრულად უდგას მხარში უკრაინას, უკრაინელ ხალხს და ჩვენი მონაწილეობა განსაკუთრებული მნიშვნელობის მატარებელია.

პრემიერ-მინისტრს ჰქონდა შესაძლებლობა, სხვა ლიდერებთან ერთად მიეღო მონაწილეობა მრგვალი მაგიდის ფორმატში, რომელშიც მათ შორის მონაწილეობდა კანცლერი შოლცი და პრეზიდენტი ზელენსკი. მრგვალი მაგიდის ფორმატში კიდევ ერთხელ ვისაუბრეთ ჩვენს მხარდაჭერაზე უკრაინის და უკრაინელი ხალხის მისამართით, იმ ძალისხმევაზე, რომელიც ჩვენმა ქვეყანამ გასწია, მას შემდეგ, რაც ომი დაიწყო და ასევე ვისაუბრეთ იმაზე, თუ როგორ გააგრძელებს საქართველო მხარდაჭერას.

ასევე მნიშვნელოვანია, რომ უკვე საღამოს პრემიერ-მინისტრს ჰქონდა შესაძლებლობა, საუბარი ჰქონოდა გერმანიის პრეზიდენტთან, რომელმაც მიიღო მონაწილეობა იმ საზეიმო მიღებაში, რომელიც გაიმართა გერმანიის პრეზიდენტის უშუალო მონაწილეობით. ვფიქრობ, პრემიერ-მინისტრის სამუშაო ვიზიტი გერმანიაში მოიტანს ახალ იმპულსს ჩვენს პარტნიორებთან თანამშრომლობის თვალსაზრისით“, – განაცხადა ილია დარჩიაშვილმა.

მსგავსი სიახლეები

მეცნიერების პრიორიტეტულობა: რა როლს ასრულებს საქართველოს მეცნიერებათა აკადემია ქვეყნის განვითარების პროცესში?

მეცნიერების პრიორიტეტულობა: რა როლს ასრულებს საქართველოს მეცნიერებათა აკადემია ქვეყნის…

ეკონომიკურ მეცნიერებათა დოქტორი, საქართველოს მეცნიერებათა ეროვნული აკადემიის აკადემიკოს-მდივანი, აკადემიკოსი ვლადიმერ პაპავა „პრაიმტაიმთან“ ინტერვიუში საუბრობს აკადემიის საქმიანობასა და მის მნიშვნელოვან როლზე თანამედროვე…
ლაშა ხუციშვილმა და ნათია თურნავამ IMF-ის მისიასთან შემაჯამებელი შეხვედრა გამართეს

ლაშა ხუციშვილმა და ნათია თურნავამ IMF-ის მისიასთან შემაჯამებელი შეხვედრა…

ფინანსთა მინისტრმა ლაშა ხუციშვილმა და სებ-ის პრეზიდენტის მოვალეობის შემსრულებელმა ნათია თურნავამ საერთაშორისო სავალუტო ფონდის მისიასთან შემაჯამებელი შეხვედრა გამართეს. შეხვედრის შესახებ ინფორმაციას…
2025 წლის ეკონომიკური ზრდის მოლოდინები – Galt & Taggart

2025 წლის ეკონომიკური ზრდის მოლოდინები – Galt & Taggart

2024 წელს საქართველოს ეკონომიკა 9.5%-ით გაიზარდა. ამასთან, წლის ბოლოს ეკონომიკური ზრდის ტემპი 6.7-%-მდე შენელდა, თუმცა ეს მაინც მაღალი მაჩვენებელია და კოვიდპანდემიამდე პერიოდის ისტორიულ ზრდის ტემპებს აღემატება. რაც…