რამდენი მილიარდის დაზოგვას გეგმავს ტრამპი 7 ორგანიზაციის, მათ შორის VOA-ს დაფინანსების შეჩერებით

ტრამპის ადმინისტრაცია ფართომასშტაბიან საბიუჯეტო შემცირებას აგრძელებს. თეთრი სახლის ვებგვერდზე გამოქვეყნებული განცხადების თანახმად, 7 საბიუჯეტო ორგანიზაციის, მათ შორის რადიო თავისუფლებისა და ამერიკის ხმის დამფინანსებელი სტრუქტურის – USAGM-ის დაფინანსება შეჩერდება. აღნიშნული ორგანიზაციის ბიუჯეტი 2024 წელს 886 მილიონ დოლარს შეადგენდა. მთლიანად შვიდივე ორგანიზაციის დაფინანსება კი 2 მილიარდ დოლარს აღწევს.

სააგენტოებისა და დეპარტამენტების ჩამონათვალი, რომლებსაც ტრამპის გადაწყვეტილება შეეხება, ასე გამოიყურება:

• აშშ-ს სააგენტო გლობალური მედიისთვის (USAGM) – დაფინანსება 2024-ში 886 მილიონი დოლარი;
• თემის განვითარების საფინანსო ინსტიტუტების ფონდი – დაფინანსება 2024-ში 631 მილიონი დოლარი;
• სამუზეუმო და საბიბლიოთეკო სამსახურების ინსტიტუტი – დაფინანსება 2024-ში 294 მილიონი დოლარი;
• უმცირესობათა ბიზნესების განვითარების სააგენტო – დაფინანსება 2024-ში 70 მილიონი დოლარი;
• მედიაციისა და შერიგების ფედერალური სერვისი – დაფინანსება 2024-ში 54 მილიონი დოლარი;
• ვუდროუ უილსონის სახელობის აკადემიკოსთა საერთაშორისო ცენტრი – დაფინანსება 2024-ში 15 მილიონი დოლარი;
• აშშ-ს უწყებათაშორისი საბჭო უსახლკარობის შესახებ – დაფინანსება 2024-ში 4 მილიონი დოლარი.

ბიემჯი