რას თვლის კონკურენციის სააგენტოს მთავარ მიღწევებად ირაკლი ლექვინაძე?

რას თვლის კონკურენციის სააგენტოს მთავარ მიღწევებად ირაკლი ლექვინაძე?

კონკურენციისა და მომხმარებლის დაცვის სააგენტოს (GCCA) თავმჯდომარე, ირაკლი ლექვინაძე ჟენევაში, გაეროს ვაჭრობისა და განვითარების კონფერენციაზე (UNCTAD) სიტყვით გამოვიდა.

ლექვინაძემ სიტყვით გამოსვლისას საქართველოში კონკურენციის პოლიტიკის გაძლიერების მიზნით განხორციელებულ რეფორმებზე, მიღწევებზე ისაუბრა და ყურადღება გასულ წლებში დასრულებულ საქმეებზე გაამახვილა.

„GCCA 10 წლის არის და აღნიშნულ პერიოდში რეფორმების რამდენიმე ეტაპი გაიარა. კერძოდ, 2020წელს, კონკურენციის კანონმდებლობაში მნიშვნელოვანი ცვლილებები განხორციელდა, რომელიც საქართველოს კანონმდებლობის ევროპულ კანონმდებლობასთან ჰარმონიზაციის პროცესის საუკეთესო მაგალითია. 2021-2022 წელს, ანტიდემპინგის და მომხმარებელთა უფლებების დაცვის შესახებ კანონების აღსრულება დავიწყეთ. მუდმივ რეჟიმში მიმდინარეობს ევროკავშირის კანონმდებლობასთან თანხვედრის შეფასება. დღეს, ევროკავშირის ექსპერტების შეფასებით,კონკურენციის კანონმდებლობის ევროპულ კანონმდებლობასთან შესაბამისობა 75%-ზე მეტია, რაც 2022 წელს 60%-ს შეადგენდა. ამ ეტაპზე, მიღებულია რეკომენდაციები და ვგეგმავთ შემდეგ ნაბიჯებს, რომ სრულ თანხვედრაში ვიყოთ ევროპულ კანონმდებლობასთან.

2020-2024 წლებში, ბაზრებზე კონკურენციის გაუმჯობესების მიზნით, GCCA-მ მნიშვნელოვანი გადაწყვეტილებები მიიღო. დასრულდა 20 მოკვლევა. მათ შორის, შეთანხმებული ქმედებები დადასტურდა: ფარმაციის, საწვავის ბაზარზე და კინოთეატრების ონლაინ გაყიდვების ბაზარზე”, – განაცხადა სიტყვით გამოსვლისას ირაკლი ლექვინაძემ.

მისივე განმარტებით, 2020-2024 წლებში, GCCA-ის მიერ 11 ბაზრის მონიტორინგი დასრულდა. მათ შორის, ფარმაციის, საწვავის, საბანკო დაზღვევის და ა.შ. ფარმაციის ბაზარზე გაცემული 13 რეკომენდაციიდან მთავრობის მიერ დიდი ნაწილი დანერგილია.

მსგავსი სიახლეები

მთავრობა მართვის მოწმობისა და იარაღის ლიცენზიის გაცემისთვის ნარკომანიის, ფსიქ. აშლილობის და ალკოჰოლიზმის ბაზას ქმნის

მთავრობა მართვის მოწმობისა და იარაღის ლიცენზიის გაცემისთვის ნარკომანიის, ფსიქ.…

საქართველოს მთავრობა ქვეყანაში მართვის მოწმობებისა და იარაღის ლიცენზიის გაცემისთვის ფსიქიკური ჯანმრთელობის, ალკოჰოლიზმის, ნარკომანიის და ტოქსიკომანიის მქონე პირების ერთიანი ბაზის შექმნას გეგმავს.…
ComCom ფიქსირებული ინტერნეტის კორპორაციულ შეთავაზებებს შეისწავლის – რას მოიცავს კვლევის II ეტაპი?

ComCom ფიქსირებული ინტერნეტის კორპორაციულ შეთავაზებებს შეისწავლის – რას მოიცავს…

კომუნიკაციების კომისიამ (ComCom), ევროკავშირის ექსპერტებთან ერთად, საქართველოს სატელეკომუნიკაციო ბაზრის კომპლექსური კვლევის მეორე ეტაპი დაიწყო. კომისიის ინფორმაციით, კვლევის ერთ-ერთი მთავარი მიმართულება ფიქსირებულ საცალო ბაზარზე,…
იანვარში ინფლაციური მოლოდინები გაიზარდა – ეროვნული ბანკი

იანვარში ინფლაციური მოლოდინები გაიზარდა – ეროვნული ბანკი

ეროვნული ბანკის ინფორმაციით, იანვარში ინფლაციური მოლოდინები გაიზარდა. ცენტრალურმა ბანკმა ინფლაციური მოლოდინებისა და ეკონომიკური აქტივობის შესახებ ეკონომიკური საქმიანობის მონაწილეთა გამოკითხვის იანვრის თვის…