საქართველოში ნავთობის მოპოვება გაიზარდა, გაზის შემცირდა – რას აჩვენებს რიცხვები?

2024 წელს საქართველოში ნავთობის მოპოვება გაიზარდა, ბუნებრივი გაზის შემცირდა. „ნავთობის და გაზის კორპორაციის“ მონაცემებით, 2024 წელს ქვეყანაში 36.8 ათასი ტონა ნავთობი მოიპოვეს. ეს 1500 ტონით მეტია 2023 წლის მაჩვენებელზე.

მოპოვებული ნავთობიდან სახელმწიფოს წილი 14 200 ტონა იყო. საკუთარ წილს კორპორაცია აუქციონების მეშვეობით ასხვისებს ხოლმე. სტატისტიკას თუ შევხედავთ, ნავთობის მოპოვების მხრივ გამორჩეული იყო 2009 წელი, როდესაც თითქმის 60 ათასი ტონის მოპოვება მოხდა.

2010-2013 წლებში საშუალოდ 50 ათასი ტონის მოპოვება ხდებოდა, შემდეგ წლებში კი მოპოვება შედარებით შემცირდა.