საქსტატი: საქართველოში საშუალო ხელფასი 1,300 ლარია

საქსტატი: საქართველოში საშუალო ხელფასი 1,300 ლარია

საქსტატმა დღეს 2021 წლის საშუალო ხელფასის ამსახველი ანგარიში გამოაქვეყნა. დოკუმენტის მიხედვით, გასული წლის განმავლობაში საქართველოში საშუალო ხელფასი 1,191 ლარიდან 1,304 ლარამდე გაიზარდა.

2021 წელს წინა წელთან შედარებით ხელფასების ზრდა სექტორების უმრავლესობაში შეინიშნებოდა. საქმიანობების სახეების მიხედვით შედარებით მაღალი ხელფასი დაფიქსირდა შემდეგ დარგებში:

⦁ საფინანსო და სადაზღვევო საქმიანობა – 2 368.1 ლარი (წინა წელთან შედარებით გაიზარდა
9.8 პროცენტით);

⦁ პროფესიული, სამეცნიერო და ტექნიკური საქმიანობები – 2 075.3 ლარი (წინა წელთან
შედარებით გაიზარდა 12.0 პროცენტით);

⦁ ინფორმაცია და კომუნიკაცია – 2 030.9 ლარი (წინა წელთან შედარებით გაიზარდა 7.7
პროცენტით).

“2021 წელს ქალების საშუალო თვიური ხელფასი 1 055.5 ლარით, ხოლო კაცების – 1 537.9 ლარით განისაზღვრა. ხელფასების წლიურმა ზრდამ ქალებში – 10.8 პროცენტი, კაცებში – 9.2 პროცენტი შეადგინა. საქმიანობის სახეების მიხედვით კაცების საშუალო თვიური ხელფასი თითქმის ყველა სექტორში აღემატებოდა ქალების საშუალო თვიურ ხელფასს.

2021 წელს სახელმწიფო სექტორში დაქირავებით დასაქმებულთა საშუალო თვიური ხელფასი 291.4 ლარით ნაკლები იყო არასახელმწიფო სექტორში დაქირავებულებთან შედარებით. ამასთან, 2020 წელთან შედარებით სახელმწიფო სექტორში ხელფასი 9.1 პროცენტით, ხოლო არასახელმწიფო სექტორში 9.6 პროცენტით გაიზარდა და შესაბამისად 1 117.2 და 1 408.7 ლარი შეადგინა,”- ნათქვამია საქსტატის მიერ გამოქვეყნებულ ანგარიშში.

საქსტატმა დღესვე მედიანური ხელფასების ანგარიშიც გამოაქვეყნა. მედიანური ხელფასი ასახავს ხელფასს, რომელსაც საშუალოდ ყველაზე მეტი ადამიანი იღებს. საქსტატის თანახმად, ამჟამად ქვეყანაში მედიანური ხელფასი 900 ლარს შეადგენს.

საქმიანობების სახეების მიხედვით, 2021 წელს, შედარებით მაღალი მედიანური ხელფასი
დაფიქსირდა შემდეგ დარგებში:

⦁ ინფორმაცია და კომუნიკაცია – 1 509 ლარი;
⦁ სამთომოპოვებითი მრეწველობა და კარიერების დამუშავება – 1 386 ლარი;
⦁ ელექტროენერგიის, აირის, ორთქლის და კონდიცირებული ჰაერის მიწოდება – 1298 ლარი;
⦁ მშენებლობა – 1 276 ლარი;
⦁ სახელმწიფო მმართველობა და თავდაცვა; სავალდებულო სოციალური უსაფრთხოება – 1 273
ლარი.

“მომხმარებელთა მხრიდან ხელფასების სტატისტიკურ მონაცემებზე მზარდი ინტერესის
გათვალისწინებით, საქართველოს სტატისტიკის ეროვნული სამსახური (საქსტატი) იწყებს შრომის სტატისტიკის დამატებითი მაჩვენებლის, დაქირავებით დასაქმებულთა მედიანური ხელფასის წარმოებას საქართველოს ფინანსთა სამინისტროს შემოსავლების სამსახურის მონაცემების საფუძველზე. მისი გამოქვეყნება დაგეგმილია წლიური პერიოდულობით,”- ნათქვამია საქსტატის ანგარიშში.

მსგავსი სიახლეები

რუსთაველის გამზირსაც სრულ რეაბილიტაციას ჩავუტარებთ – კალაძე

რუსთაველის გამზირსაც სრულ რეაბილიტაციას ჩავუტარებთ – კალაძე

თბილისის მერმა, კახა კალაძემ დედაქალაქში მიმდინარე და დაგეგმილ ინფრასტრუქტურულ პროექტებზეც ისაუბრა. „მინდა, დედაქალაქის მცხოვრებლებმა იცოდნენ, რომ ყველა პროექტი კეთდება ფუნდამენტურად და…
მთავრობა შემოდგომაზე ახალი საინვესტიციო კანონმდებლობის ინიცირებას გეგმავს

მთავრობა შემოდგომაზე ახალი საინვესტიციო კანონმდებლობის ინიცირებას გეგმავს

საქართველოს მთავრობა მიმდინარე წლის შემოდგომაზე ახალი საინვესტიციო კანონმდებლობის ინიცირებას გეგმავს, მიზანი საინვესტიციო გარემოს გაუმჯობესებაა, – ამის შესახებ საუბარია სამთავრობო პროგრამის შესრულების…
“ახალი საინვესტიციო კანონმდებლობის შექმნაში მინიმალური როლი გვაქვს” – მიხეილ ხიდურელი

“ახალი საინვესტიციო კანონმდებლობის შექმნაში მინიმალური როლი გვაქვს” – მიხეილ…

“ახალი საინვესტიციო კანონმდებლობის შემუშავებაში მინიმალური როლი გვაქვს“, – ამის შესახებ პროგრამის „აწარმოე საქართველოში“ დირექტორმა, მიხეილ ხიდურელმა BMG-ის კითხვის საპასუხოდ განაცხადა. მისი…