სოფლის მეურნეობის სამინისტროში ხორბლის კარგ მოსავალს ელიან – მინისტრის მოადგილე მეხორბლეებს შეხვდა

სოფლის მეურნეობის სამინისტროში ხორბლის კარგ მოსავალს ელიან – მინისტრის მოადგილე მეხორბლეებს შეხვდა

სოფლის მეურნეობის სამინისტროში წელს ხორბლის კარგ მოსავალს პროგნოზირებენ. ამის შესახებ სოფლის მეურნეობის მინისტრმა თენგიზ ნასარიძემ მეხორბლე ფერმერებთან შეხვედრის შემდეგ განაცხადა.

სამინისტროს მიერ გავრცელებული ინფორმაციით, მეხორბლე ფერმერებთან და წისქვილკომბინატების წარმომადგენლებთან შეხვედრისას ხორბლის მოსავლის აღებას, დაბინავებისა და რეალიზაციაში ხელის შეწყობის საკითხები განიხილეს. მინისტრის მოადგილემ განაცხადა, რომ წელს ჰექტარზე გაზრდილ მოსავალს ელიან. უწყების პროგნოზებით გაუმჯობესებულია ხორბლის ხარისხიც.

„აქტიურად ამოქმედდა სამინისტროში შექმნილი საკოორდინაციო შტაბი, რომელიც მიმდინარე პროცესების კოორდინაციაში აქტიურად იქნება ჩართული. წელს ძალიან კარგ მოსავალს ველით, ოპტიმისტურად ვართ განწყობილი. ბოლო წლების გამოწვევების შემდეგ მოხარული ვართ, რომ საჰექტრო მოსავლიანობის და მთლიანად ხარისხის სურათი საკმაოდ პოზიტიურია. ვთვლით, რომ პროცესი კარგად უნდა წარიმართოს“, – განაცხადა თენგიზ ნასარიძემ.

შეხვედრაზე საუბარი შეეხო შესაბამისი ტექნიკით უზრუნველყოფის მნიშვნელობას. გარემოს დაცვისა და სოფლის მეურნეობის მინისტრის მოადგილის განცხადებით, სახელმწიფო კომპანიის 30 კომბაინი უკვე მობილიზებულია და საჭიროებისთანავე პროცესში ჩაერთვება.

სამინისტროს მიერ გავრცელებული ინფორმაციით, ადგილობრივი ფერმერები ხორბლის მოსავლის აღების შტაბის შექმნას მიესალმებიან. რომელთაც მოსავლიანობის და ხარისხის კუთხით დადებითი მოლოდინები აქვთ.

მარცვლეულის მწარმოებელთა ასოციაციის ხელმძღვანელი, ნიკოლოზ ბენიაიძე ამბობს, რომ მიმდინარე წელი ბევრი ფერმერისთვის გადამწყვეტი იქნება, კვლავ გააგრძელებს თუ არა საქმიანობას. რადგან გასულ პერიოდში სექტორს ხორბლის დაბალი ფასის გამო, მარაგების რეალიზაციის პრობლემა ჰქონდა, ფერმერებმა შემოსავალი ვერ მიიღეს, რამაც ნათესი ფართობების შემცირება გამოიწვია, შესაბამისად სამინისტროსგან განსხვავებით მეხორბლე ფერმერები წელს, მოსავლიანობის შემცირებაზე საუბრობენ. BMG-სთან არსებულ ტენდენციებსა და გამოწვევებზე საუბრისას, ნიკოლოზ ბენიაიძემ აღნიშნა, რომ თუ წელს ადგილობრივი ხორბალი თვითღირებულებაში, 70 თეთრად მაინც არ გაიყიდება, ფერმერები დაგროვილი ვალების გასტუმრებას და საქმიანობის გაგრძელებას ვერ შეძლებენ.

შეგახსენებთ, საქართველოში მეხორბლეობის დარგისთვის გამოწვევები 2022 წელს დაიწყო. ხორბლის იმპორტი მნიშვნელოვნად შემცირდა. ამის მიზეზიც მთავარ საიმპორტო ბაზარზე – რუსეთში ხორბლის ექსპორტზე დაწესებული ბაჟი იყო, რომელიც ხორბლის იმპორტიორებს საქონლის შეძენას უძვირდებდა. ამასთან, 2022 წელს რეკორდულად გაიზარდა ფქვილის იმპორტი, რადგან იმავე რუსეთში ამ დასახელების საქონელზე ნულოვანი საექსპორტო გადასახადი მოქმედებდა. შედეგად საქართველოში ხორბლის ადგილობრივი გადამუშავება, ფაქტობრივად გაჩერდა, ფერმერებს კი მოყვანილი მოსავალი ჩაუბარებელი რჩებოდათ. საპასუხოდ, მთავრობამ დროებითი საიმპორტო გადასახადი დააწესა ქერზე (100 ლარი), ქატოსა (100 ლარი) და ფქვილზე (250 ლარი), რომელიც ბოლო გახანგრძლივების შედეგად, 1-ელ სექტემბრამდე იმოქმედებს.

მიმდინარე წლის მონაცემებით, ფქვილის იმპორტი შემცირდა, ხოლო ხორბლის – გაიზარდა.

მსგავსი სიახლეები

ვეყანაში ცხოვრების დონე ყოველწლიურად უმჯობესდება – ირაკლი კობახიძე

ვეყანაში ცხოვრების დონე ყოველწლიურად უმჯობესდება – ირაკლი კობახიძე

ჩვენი ამოცანაა, რომ ჩვენ ქვეყანას აღვუდგინოთ ტრადიციული ფუნქცია, დამაკავშირებელი ფუნქცია, ეს არის დაკავშირება დასავლეთსა და აღმოსავლეთს შორის, ევროპასა და აზიას შორის,…
რუსეთიდან ბენზინის ექსპორტის აკრძალვა აგვისტოდან განახლდება

რუსეთიდან ბენზინის ექსპორტის აკრძალვა აგვისტოდან განახლდება

რუსეთის მთავრობა ბენზინის ექსპორტის აკრძალვას აგვისტოდან გააახლებს. რუსეთის ვიცე-პრემიერის განცხადებით, ენერგეტიკის სამინისტრომ ითხოვა, აკრძალვა სექტემბერ-ოქტომბრამდე გაგრძელდეს. ცნობისთვის, ბენზინის ექსპორტის აკრძალვა რუსეთმა…
საიდან შემოდის ყველაზე ძვირად ღირებული ავტომობილები საქართველოში? – TOP-5

საიდან შემოდის ყველაზე ძვირად ღირებული ავტომობილები საქართველოში? – TOP-5

2024 წლის იანვარ-ივნისში საქართველომ 1.2 მლნ აშშ დოლარის ავტომობილები იყიდა. საქართველოდან კი 933.9 მლნ აშშ დოლარის ავტომობილები გადაყიდა. თითქმის უცვლელია ავტომობილების იმპორტიორი…