სუბსიდირებული კონცერტები 37 მლნ დაჯდა – რამდენი მილიონის ბილეთები გაიყიდა?

სუბსიდირებული კონცერტები 37 მლნ დაჯდა – რამდენი მილიონის ბილეთები გაიყიდა?

2023 წლის განმავლობაში საქართველოს მთავრობას სუბსიდირებული კონცერტების ორგანიზება 37 მილიონი ლარი დაუჯდა, ხოლო ბილეთების რეალიზაციიდან მიღებული შემოსავალი 15 მილიონი ლარი იყო – ამის შესახებ “ბლექ სი არენა ჯორჯიას” მიერ გამოქვეყნებული 2023 წლის ფინანსური ანგარიშიდან ირკვევა.

2023 წლის განმავლობაში სახელმწიფო სუბსიდიით ბრუნო მარსის, Imagine Dragons-ისა და The Killers-ის კონცერტები გაიმართა. სუბსიდირებული კონცერტები სახელმწიფო პროგრამა Starring Georgia-ს ფარგლებში იმართება, რომლისთვისაც 2023-2024 წლებში 70 მილიონი ლარი არის გამოყოფილი.

ამ ღონისძიებებიდან მიღებული შემოსავლები კი ასე ნაწილდება:

  • შემოსავლები ბილეთების რეალიზაციიდან – 15,135,000 ლარი;
  • შემოსავალი სპონსორებიდან – 3,052,000 ლარი.

ფინანსური ანგარიშის თანახმად, “ბლექ სი არენა ჯორჯიამ” გასულ წელს კონცერტების მარკეტინგზე 1,449,000 ლარი დახარჯა, სამივლინებო ხარჯები 666,000 ლარი, სახელფასო ხარჯები კი 3,135,000 ლარი იყო.

“ბლექ სი არენა ჯორჯიას” ანგარიშის თანახმად, არტისტების და სხვა საკონცერტო მომსახურების ხარჯები 37,261,000 ლარს შეადგენდა, თუმცა ის ჩაშლილი სახით არაა წარმოდგენილი, შესაბამისად, უცნობია, რამდენი მილიონის ანაზღაურება გადაუხადა კომპანიამ კონკრეტულ არტისტებსა და შუამავალ კომპანიებს.

“ბლექ სი არენა ჯორჯიას ღონისძიებების ორგანიზებაში და მსოფლიო დონის ვარსკვლავებთან ურთიერთობაში, ძირითადად პარტნიორობას უწევენ შემდეგი კომპანიები: შპს გლობალ ენთერთეინმენთ გრუფ, CREATIVE MANAGEMENT LTD და სხვა,”- ნათქვამია კომპანიის 2023 წლის ანგარიშში.

ცნობისთვის, 2022 წლიდან მოყოლებული “ბლექ სი არენა ჯორჯია” კულტურის, სპორტისა და ახალგაზრდობის სამინისტროს დაქვემდებარებაში იმყოფება.

 

bm.ge

მსგავსი სიახლეები

მეცნიერების პრიორიტეტულობა: რა როლს ასრულებს საქართველოს მეცნიერებათა აკადემია ქვეყნის განვითარების პროცესში?

მეცნიერების პრიორიტეტულობა: რა როლს ასრულებს საქართველოს მეცნიერებათა აკადემია ქვეყნის…

ეკონომიკურ მეცნიერებათა დოქტორი, საქართველოს მეცნიერებათა ეროვნული აკადემიის აკადემიკოს-მდივანი, აკადემიკოსი ვლადიმერ პაპავა „პრაიმტაიმთან“ ინტერვიუში საუბრობს აკადემიის საქმიანობასა და მის მნიშვნელოვან როლზე თანამედროვე…
ლაშა ხუციშვილმა და ნათია თურნავამ IMF-ის მისიასთან შემაჯამებელი შეხვედრა გამართეს

ლაშა ხუციშვილმა და ნათია თურნავამ IMF-ის მისიასთან შემაჯამებელი შეხვედრა…

ფინანსთა მინისტრმა ლაშა ხუციშვილმა და სებ-ის პრეზიდენტის მოვალეობის შემსრულებელმა ნათია თურნავამ საერთაშორისო სავალუტო ფონდის მისიასთან შემაჯამებელი შეხვედრა გამართეს. შეხვედრის შესახებ ინფორმაციას…
2025 წლის ეკონომიკური ზრდის მოლოდინები – Galt & Taggart

2025 წლის ეკონომიკური ზრდის მოლოდინები – Galt & Taggart

2024 წელს საქართველოს ეკონომიკა 9.5%-ით გაიზარდა. ამასთან, წლის ბოლოს ეკონომიკური ზრდის ტემპი 6.7-%-მდე შენელდა, თუმცა ეს მაინც მაღალი მაჩვენებელია და კოვიდპანდემიამდე პერიოდის ისტორიულ ზრდის ტემპებს აღემატება. რაც…