წელს ეროვნული ბანკი მონეტარული პოლიტიკის განაკვეთს უცვლელად დატოვეს – Galt & Taggart

Galt & Taggart-ის შეფასებით, მიმდინარე წელს ეროვნული ბანკი მონეტარული პოლიტიკის განაკვეთს უცვლელად დატოვეს. ირანში მიმდინარე ომის გამო, საინვესტიციო ბანკმა შეცვალა წინა პროგნოზი, რაც რეფინანსირების განაკვეთის 0.5 პროცენტული პუნქტით შემცირებას ითვალისწინებდა.

“2026 წლის 25 მარტს ეროვნულმა ბანკმა მონეტარული პოლიტიკის განაკვეთი უცვლელად, 8.0%-ზე დატოვა. ეს გადაწყვეტილება განპირობებულია ახლო აღმოსავლეთში არსებული გეოპოლიტიკური დაძაბულობითა და ჰორმუზის სრუტეში შეფერხებებით, რამაც გლობალური მიწოდების ჯაჭვები დააზიანა და ენერგომატარებლებისა თუ ტრანსპორტირების ხარჯები გაზარდა.

იმის გათვალისწინებით, რომ მიმდინარე ინფლაციური წნეხი ახლო აღმოსავლეთის ესკალაციიდან მომდინარეობს, ხოლო ინფლაციის პროგნოზი ამ მოვლენებამდეც უკვე გადახედილი იყო ზრდის მიმართულებით ჩვენ ველით, რომ ეროვნული ბანკი მონეტარული პოლიტიკის განაკვეთს უცვლელად შეინარჩუნებს 2026 წლის განმავლობაში. ეს განსხვავდება ჩვენი ადრინდელი მოლოდინისგან, რომელიც ძირითადი განაკვეთის 0.5 პროცენტული პუნქტით შემცირებას ითვალისწინებდა”, – წერს Galt & Taggart-ი.

ეროვნული ბანკის მონეტარული პოლიტიკის კომიტეტის შემდეგი სხდომა 6 მაისს არის დაგეგმილი. აღსანიშნავია, რომ ცენტრალურმა ბანკმა ბოლოს განაკვეთი 2024 წლის მაისში შეცვალა.