2024 წელს სამუშაო ადგილზე ინციდენტების რაოდენობა შემცირებულია – შრომის ინსპექცია
- ეკონომიკა
- სექტემბერი 17, 2025
- 172
2024 წლის განმავლობაში სამუშაო ადგილზე გარდაიცვალა 33 და დაშავდა 257 ადამიანი. ამის შესახებ შრომის უსაფრთხოების სამსახურის 2024 წლის საქმიანობის ანგარიშში წერია.
ოფიციალური მონაცემებით, გარდაცვლილი 33 პირიდან ყველა კაცია, აქედან კი 3 შრომითი იმიგრანტია. სამუშაო ადგილზე მომხდარი ინციდენტების შედეგად დაშავებულთაგან 59 ქალი და 198 კაცია.
„მიუხედავად აქტიური ბიზნეს სუბიექტებისა და დასაქმებულთა რაოდენობების ზრდისა პირდაპირპროპორციულადაა შემცირებული სამუშაო სივრცეში მომხდარი ინციდენტების რაოდენობა და შესაბამისად ინციდენტობის მაჩვენებელი.
ხაზგასასმელია სამუშაო სივრცეში აღრიცხული ინციდენტების რადიკალური კლება 2024 წლისთვის, რაც სახელმწიფოს მიზნობრივი პოლიტიკისა და სტრატეგიული დოკუმენტებით დაგეგმილი აქტივობების ეფექტურობაზე და კანონმდებლობის ეფექტიან აღსრულებაზე მეტყველებს“, – აღნიშნულია ანგარიშში.
