2025 წელს უძრავი ქონება 10%-ით გაძვირდება, რაც ჩვენი ბაზრისთვის ბუნებრივი ზრდის ტემპია – არსი

2025 წელს უძრავი ქონება 10%-ით გაძვირდება, რაც ჩვენი ბაზრისთვის ბუნებრივი ზრდის ტემპია – არსი

კომპანია „არსი” – ში აცხადებენ, რომ მიმდინარე წელს უძრავი ქონების ბაზარზე ფასების მნიშვნელოვანი ცვლილება მოსალოდნელი არაა.

როგორც კომპანიის გენერალურმა დირექტორმა BMG-ის განუცხადა, წელს სექტორი გარკვეულწილად ფასების ახალ ნიშნულს მოერგება და უკვე მომავალი წლიდან საცხოვრებელი ბინების დამატებით 10%-ით გაძვირებაა მოსალოდნელი.

ბესო ორთოიძის თქმით, გასულ პერიოდში უძრავ ქონებაზე ფასები მნიშვნელოვნად გაიზარდა, რაშიც დიდი წილი დასაქმებულებისთვის ხელფასების ზრდაზე მოდიოდა. თუმცა როგორც კომპანიაში აცხადებენ, ბოლო თვეების განმავლობაში მშენებლობის თვითღირებულებაზე მოქმედი ფაქტორები შედარებით დასტაბილურებულია.

„თუკი ერთი წლის ჭრილში შევხედავთ, მშენებლობის ღირებულება მზარდი იყო, რისი ძირითადი მიზეზი 2023 წელს სექტორში ხელფასების 25-30%-იანი ზრდა იყო. ამ ფაქტორმა, რა თქმა უნდა, თვითღირებულებასა და უძრავი ქონების გასაყიდ ფასებზე გავლენა იქონია. თუმცა 2023 წლის ბოლოდან ტენდენცია დასტაბილურდა და ბოლო თვეებში მშენებლობის ღირებულება მცირედითაა გაზრდილი, ძირითადად კურსის სწრაფი მერყეობითაა განპირობებული, რამაც სამშენებლო მასალები გააძვირა. თუმცა ეს გასაყიდ ფასზე გავლენას არ მოახდენს.

მიმდინარე წელი იმით გამოირჩევა, რომ უძრავ ქონებაზე ის ფასი გვაქვს შენარჩუნებული, რაც გასული წლის ბოლოს იყო. ბოლო ორ წელში სამშენებლო სექტორში ძალიან სწრაფად მოხდა ფასების ზრდა. მიმდინარე წელი გარდამავალი იქნება და ფასები მნიშვნელოვნად აღარ გაიზრდება. ბაზარს გარკვეულწილად ფასის ამ ახალ ნიშნულზე შეგუება დასჭირდება, რადგან სექტორში ფასის ახალი ნიშნული გვაქვს. უკვე მომავალი წლიდან, თუ სხვა ფაქტორებმა არ მოახდინეს გავლენა, ფასი იმ ტემპით დაიწყებს ზრდას, როგორც ეს ჩვენ პანდემიამდე გვქონდა, დაახლოებით წლიური 10%-მდე გაძვირება იქნება, რაც ჩვენი ბაზრისთვის უკვე ბუნებრივი ზრდის ტემპია“, – განაცხადა ბესო ორთოიძემ.

ცნობისთვის, 2024 წლის მაისში მშენებლობა წლიურად 8.4%-ით გაძვირდა. საქსტატის მიერ გამოქვეყნებული მშენებლობის ღირებულების მაისის თვის ინდექსის მიხედვით, ზრდა უმეტესწილად, გამოწვეული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 27.3%-იანი ზრდით და სამშენებლო მასალების 4.5%-იანი გაძვირებით.

 

bm.ge

მსგავსი სიახლეები

ვეყანაში ცხოვრების დონე ყოველწლიურად უმჯობესდება – ირაკლი კობახიძე

ვეყანაში ცხოვრების დონე ყოველწლიურად უმჯობესდება – ირაკლი კობახიძე

ჩვენი ამოცანაა, რომ ჩვენ ქვეყანას აღვუდგინოთ ტრადიციული ფუნქცია, დამაკავშირებელი ფუნქცია, ეს არის დაკავშირება დასავლეთსა და აღმოსავლეთს შორის, ევროპასა და აზიას შორის,…
რუსეთიდან ბენზინის ექსპორტის აკრძალვა აგვისტოდან განახლდება

რუსეთიდან ბენზინის ექსპორტის აკრძალვა აგვისტოდან განახლდება

რუსეთის მთავრობა ბენზინის ექსპორტის აკრძალვას აგვისტოდან გააახლებს. რუსეთის ვიცე-პრემიერის განცხადებით, ენერგეტიკის სამინისტრომ ითხოვა, აკრძალვა სექტემბერ-ოქტომბრამდე გაგრძელდეს. ცნობისთვის, ბენზინის ექსპორტის აკრძალვა რუსეთმა…
საიდან შემოდის ყველაზე ძვირად ღირებული ავტომობილები საქართველოში? – TOP-5

საიდან შემოდის ყველაზე ძვირად ღირებული ავტომობილები საქართველოში? – TOP-5

2024 წლის იანვარ-ივნისში საქართველომ 1.2 მლნ აშშ დოლარის ავტომობილები იყიდა. საქართველოდან კი 933.9 მლნ აშშ დოლარის ავტომობილები გადაყიდა. თითქმის უცვლელია ავტომობილების იმპორტიორი…