6 თვეში ტურისტული ვიზიტები 7%-ით 2.3 მლნ-მდე გაიზარდა – ტურიზმის ადმინისტრაცია

ტურიზმის ეროვნული ადმინისტრაციის ინფორმაციით, 2025 წლის მეორე კვარტალში საერთაშორისო მოგზაურების ვიზიტების რაოდენობა წლიურად 7%-ით 1 838 913-მდე გაიზარდა. რაც შეეხება ტურისტულ ვიზიტებს, იანვარ-ივნისის მონაცემებით, ასეთი ჯამში 2.3 მილიონი ვიზიტი იყო. კერძოდ, იანვარ-ივნისის პერიოდში ქვეყანაში 2 270 363 საერთაშორისო ტურისტული ვიზიტი შედგა, რაც 2024 წელთან შედარებით 7%-ით მეტია. ტურიზმის ადმინისტრაციის ცნობითვე, 2025 წლის პირველ ორ კვარტალში, საქართველოში, 3 153 741 საერთაშორისო მოგზაურის ვიზიტი შედგა, 2024 წელთან შედარებით ზრდა 4.4%-ია. ტურიზმის ადმინისტრაციაში გვითხრეს, რომ 2025 წლის ორი კვარტალის დეტალურ სტატისტიკა დღესვე გამოქვეყნდება.