მევენახეებმა უკვე 95.6 მლნ-ის შემოსავალი მიიღეს – როგორ მიმდინარეობს რთველი?

მევენახეებმა უკვე 95.6 მლნ-ის შემოსავალი მიიღეს – როგორ მიმდინარეობს რთველი?

კახეთის რეგიონში რთველი აქტიურად მიმდინარეობს. ღვინის ეროვნული სააგენტოს განახლებული ინფორმაციით, 16 სექტემბრის მდგომარეობით 7 000-მდე მევენახემ ყურძნის ჩაბარებით 95.6 მლნ ლარის შემოსავალი მიიღო. ამ პერიოდისთვის კი კახეთში ჯამში 76 804 ტონა ყურძენია გადამუშავებული.

სააგენტოში განმარტავენ, რომ კერძო ღვინის კომპანიები ყურძენს ხარისხის მიხედვით აფასებენ. რთველი აქტიურ ფაზაშია გურჯაანის, ყვარლის, ლაგოდეხის, თელავის, დედოფლისწყაროსა და სიღნაღის მუნიციპალიტეტებში, საგარეჯოს და ახმეტის მუნიციპალიტეტები რთველში ყურძნის საჭირო კონდიციაში შესვლისთანავე ჩაერთვებიან. რთველის საკოორდინაციო შტაბში ამ დროისთვის დარეგისტრირებულია 300-ზე მეტი ღვინის კომპანია და მარანი. სხვადასხვა მოცულობის ყურძენი150-მდე კომპანიამ უკვე გადაამუშავა.

„ყოველდღიურად 70-80, მათ შორის უმეტესობა კერძო მარანი იბარებს ყურძენს და კერძო კომპანიები თეთრ ყურძენში 95 თეთრს და მეტს იხდიან“, – აღნიშნა ლევან მეხუზლამ.

“თბილღვინოს” მთავარი მეღვინე კი აღნიშნავს, რომ კომპანია ხარისხიან ყურძენზე მოთხოვნის ზრდის შემთხვევაში, ფასის მომატებისთვის მზად არის.

„ამ ეტაპზე კერძო მევენახეებიდან რქაწითელის ყურძენს ვიღებთ. მაღალხარისხიან კონდიციურ ყურძენში 95 თეთრს ვიხდით. სულ 3000 ტონა ყურძნის შესყიდვას ვაპირებთ. ხარისხიანი ყურძნის შერჩევას ვცდილობთ და თუ ბაზარზე მოთხოვნა ხარისხიან ყურძენზე გაიზარდა, არ გამოვრიცხავ ყურძნის ჩასაბარებელი ფასი გავზარდოთ“, – აღნიშნა „თბილღვინოს“ მთავარი მეღვინე გია გაგნიძემ.

მსგავსი სიახლეები

მინერალური წყლების ექსპორტი ისტორიულ მაქსიმუმზეა – სად ვყიდით წყალს?

მინერალური წყლების ექსპორტი ისტორიულ მაქსიმუმზეა – სად ვყიდით წყალს?

მინერალური და მტკნარი წლების ექსპორტი ისტორიულ მაქსიმუმზეა. ეს სასაქონლო ჯგუფი საქართველოსთვის ერთ-ერთი მთავარი ადგილობრივი წარმოების პროდუქტია, რომელიც წლების განმავლობაში უმსხვილეს საექსპორტო…
II კვარტალში საცხოვრებელი უძრავი ქონება 14.9%-ით გაძვირდა

II კვარტალში საცხოვრებელი უძრავი ქონება 14.9%-ით გაძვირდა

2024 წლის მეორე კვარტალში, წინა კვარტალთან შედარებით საცხოვრებელი უძრავი ქონების ფასების ინდექსი (RPPI) 4.8%-ით გაიზარდა, ხოლო ინდექსის წლიურმა ზრდამ 14.9% შეადგინა.…
რა გავლენა ექნება ჩინურ ავტო ინდუსტრიაზე აშშ-სა და ევროკავშირის მიერ დაწესებულ საიმპორტო ტარიფებს?

რა გავლენა ექნება ჩინურ ავტო ინდუსტრიაზე აშშ-სა და ევროკავშირის…

აშშ-სა და ევროკავშირის მიერ ჩინურ ავტომობილებზე დაწესებულმა ტარიფებმა, შესაძლოა, დიდი ზეგავლენა მოახდინოს ჩინური ავტომობილების ინდუსტრიაზე. ეს ტარიფები მიმართულია არასამართლიანი კონკურენციისა და სუბსიდიების პრობლემების მოსაგვარებლად, რომლებსაც ჩინელი ავტომწარმოებლები იღებენ თავიანთი მთავრობისგან, რაც დასავლეთის ოფიციალური პირების აზრით, ჩინურ კომპანიებს უპირატესობას ანიჭებს გლობალურ ბაზრებზე. აშშ-სა და ევროკავშირის ტარიფები, სავარაუდოდ ,საგრძნობლად გაზრდის ჩინური ავტომობილების ფასს ბაზარზე, რაც გამოიწვევს ჩინელი მწარმოებელის კონკურენტუნარიანობის შემცირებას აშშ-სა და ევროკავშირის ადგლობრივ მწარმობელთან, ისევე როგორც სხვა საერთაშორისო კონკურენტებტან, რომლებიც არ ექვემდებარებიან მსგავს ტარიფებს. ეს გამოიწვევს ჩინური ავტომანქანების ექსპორტის შემცირებას ზემოთ ხსენებულ ბაზრებზე. შეერთებული შტატებში ჩინურ ავტომანქანების წარმოებოას მინიმალური ბაზრის წილი გააჩნიათ სხვა კონკურენტი ქვეყნებისგან განსხვავებით, როგორიცაა მექსიკა, იპონია, კანადა, სამხრეთ კორეა…