არქიტექტორებისა და ინჟინერ-მშენებლების სერტიფიცირების კიდევ ერთხელ, 2025 წლამდე გადავადება იგეგმება

არქიტექტორებისა და ინჟინერ-მშენებლების სერტიფიცირების კიდევ ერთხელ, 2025 წლამდე გადავადება იგეგმება

საქართველოს პარლამენტი არქიტექტორების და ინჟინერ-მშენებლების სერტიფიცირების კიდევ ერთხელ, ამჯერად 2025 წლის 1-ელ დეკემბრამდე გადავადებას განიხილავს.

რეგულაციის ამოქმედებას კვლავ აკრედიტებული სერტიფიცირების ცენტრების არარსებობა აფერხებს.

„საქართველოს სივრცის დაგეგმარების, არქიტექტურული და სამშენებლო საქმიანობის კოდექსში” ცვლილების შესახებ კანონის პროექტის განმარტებითი ბარათის თანახმად, ვინაიდან აკრედიტაციის პროცედურების დაწყებას, აკრედიტაციის მოპოვებას და შემდგომ გამოცდების ორგანიზებას საკმაო დრო სჭირდება, 2024 წლის 1-ელი მარტისთვის, როდესაც რეგულაცია უნდა ამოქმედდეს, ბაზარზე არ იარსებებენ სერტიფიცირებული არქიტექტორები და ინჟინერ-მშენებლები.

კანონის პროექტის ინიციატორები „ქართული ოცნების“ დეპუტატების არიან, რომლებიც მის დაჩქარებული წესით განხილვას ითხოვენ. გადავადების შემთხვევაში, 2025 წლის 1 დეკემბრამდე დარჩება ძალაში სანებართვო დოკუმენტაციის საექსპერტო შეფასებისა და ტექნიკური ზედამხედველობის დროებითი წესი.

აღსანიშნავია, რომ არქიტექტურული პროექტის დამოწმების უფლებამოსილების მქონე არქიტექტორების, კონსტრუქციული პროექტის დამოწმებისთვის, სამშენებლო სამუშაოების განხორციელებისთვის პასუხისმგებელი ინჟინერ-მშენებლების, არქიტექტურული პროექტისა და კონსტრუქციული პროექტის ექსპერტების სავალდებულო სერტიფიცირება სამშენებლო კოდექსით არის გათვალისწინებული და თავდაპირველად 2022 წლის 1-ელი ოქტომბრიდან უნდა ამოქმედებულიყო, თუმცა 2024 წლის 1-ელ მარტამდე გადავადდა.

მსგავსი სიახლეები

რატომ მყარდება ლარი? – “თიბისი კაპიტალის” შეფასება

რატომ მყარდება ლარი? – “თიბისი კაპიტალის” შეფასება

“თიბისი კაპიტალის” თანახმად, ლარის ბოლოდროინდელი გამყარება სიურპრიზი არ ყოფილა, ვინაიდან წმინდა სავალუტო შემოდინებების მთავარ წყაროებზე დაყრდნობით, მოკლევადიან პერიოდში ლარის მნიშვნელოვანი მერყეობა…
სოხუმის აეროპორტის გახსნას თბილისი ანექსიისკენ გადადგმულ ნაბიჯად განიხილავს

სოხუმის აეროპორტის გახსნას თბილისი ანექსიისკენ გადადგმულ ნაბიჯად განიხილავს

2025 წლის 10 თებერვალს, თბილისში ჟენევის საერთაშორისო მოლაპარაკებების 63-ე რაუნდის მოსამზადებელი შეხვედრა მოლაპარაკებების თანათავმჯდომარეებთან: ევროკავშირიდან, გაეროდან და ეუთოდან გაიმართა. საგარეო საქმეთა…
„ქვემო სვანეთი ალბათ ერთ-ერთი ყველაზე განვითარებადი რეგიონია საქართველოში“ – რა გამოწვევებია რეგიონში?

„ქვემო სვანეთი ალბათ ერთ-ერთი ყველაზე განვითარებადი რეგიონია საქართველოში“ –…

„ქვემო სვანეთი ალბათ ერთ-ერთი ყველაზე განვითარებადი რეგიონია საქართველოში“ , – ამის შესახებ BMGTV-ს გადაცემაში ქვემო სვანეთში მდებარე ტურისტული ობიექტის, Roots Svaneti-ს…