ბათუმში ბინები კიდევ გაძვირდა – რამდენი გაიყიდა წლის პირველ ნახევარში?

ბათუმში ბინები კიდევ გაძვირდა – რამდენი გაიყიდა წლის პირველ ნახევარში?

Colliers Georgia 2023 წლის პირველი ნახევრის ბათუმის საცხოვრებელი უძრავი ქონების ბაზრის განახლებულ მიმოხილვას აქვეყნებს.

Recov.ge-ზე გამოქვეყნებული მონაცემებით, მიმდინარე წლის იანვარ-ივნისის განმავლობაში, ბათუმში სულ 8,160 ბინა გაიყიდა, რაც გასული წლის პირველ ნახევართან შედარებით 9%-ით მეტია. ამ პერიოდისთვის ბაზრის ზომა 18%-ით გაიზარდა და 361 მილიონი დოლარი შეადგინა.

ბინების სეგმენტის მიხედვით, ბათუმში 2023 წლის პირველ ნახევარში ახალაშენებული პრემიუმ სეგმენტის ბინების ტრანზაქციების რაოდენობა, მნიშვნელოვნად – 81%-ით, მედიუმ ტრანზაქციების რაოდენობა მხოლოდ 2%-ით გაიზარდა, ეკონომ სეგმენტში კი 3%-იანი კლება ფიქსირდება. ამასთან, ახალაშენებული ბინების გაყიდვები წლის პირველი ექვსი თვის განმავლობაში 11%-ით გაიზარდა, ძველი ბინების შემთხვევაში კი 3%-იანი კლება დაფიქსირდა.

რაც შეეხება ფასს, Colliers Georgia-ს მონაცემებით, ბათუმში ამ პერიოდისთვის ახალაშენებული ბინების საშუალო შეწონილი ფასი 20%-ით გაიზარდა და კვ.მ-ზე 920 დოლარი შეადგინა, ძველი ბინების შემთხვევაში კი მაჩვენებელი 13%-ით, 735 აშშ დოლარამდე გაიზარდა.

ხოლო, რაც შეეხება ზღვისპირა ქალაქში საცხოვრებელი ბინების ბაზრის ივნისის მაჩვენებელს, განახლებული მონაცემებით, ზაფხულის პირველ თვეს ბათუმში საცხოვრებელი ბინების გაყიდვები წლიურად 16%-ით, 1,295 ერთეულამდე შემცირდა, ბაზრის ზომა კი 10%-ით 59 მილიონი დოლარამდე შემცირდა.

ივნისში, 31%-ით გაიზარდა ახალაშენებული პრემიუმ სეგმენტის ბინებზე მოთხოვნა. მედიუმ და ეკონომ სეგმენტებში კი გაყიდვების მაჩვენებლის 21% და 22%-იანი კლება დაფიქსირდა.

ამავე პერიოდში, ბათუმში ახალაშენებული ბინების ტრანზაქციების რაოდენობა 12%-ით შემცირდა, ძველი ბინების შემთხვევაში კი 39%-იანი კლება დაფიქსირდა.

ბათუმში მხოლოდ ივნისში ახალაშენებული ბინების საშუალო შეწონილი ფასი 20%-ით გაიზარდა და კვ.მ-ზე 983 აშშ დოლარი შეადგინა. ძველი ბინების შემთხვევაში კი მაჩვენებელი 23%-ით, 827 აშშ დოლარამდე გაიზარდა.

მსგავსი სიახლეები

ვეყანაში ცხოვრების დონე ყოველწლიურად უმჯობესდება – ირაკლი კობახიძე

ვეყანაში ცხოვრების დონე ყოველწლიურად უმჯობესდება – ირაკლი კობახიძე

ჩვენი ამოცანაა, რომ ჩვენ ქვეყანას აღვუდგინოთ ტრადიციული ფუნქცია, დამაკავშირებელი ფუნქცია, ეს არის დაკავშირება დასავლეთსა და აღმოსავლეთს შორის, ევროპასა და აზიას შორის,…
რუსეთიდან ბენზინის ექსპორტის აკრძალვა აგვისტოდან განახლდება

რუსეთიდან ბენზინის ექსპორტის აკრძალვა აგვისტოდან განახლდება

რუსეთის მთავრობა ბენზინის ექსპორტის აკრძალვას აგვისტოდან გააახლებს. რუსეთის ვიცე-პრემიერის განცხადებით, ენერგეტიკის სამინისტრომ ითხოვა, აკრძალვა სექტემბერ-ოქტომბრამდე გაგრძელდეს. ცნობისთვის, ბენზინის ექსპორტის აკრძალვა რუსეთმა…
საიდან შემოდის ყველაზე ძვირად ღირებული ავტომობილები საქართველოში? – TOP-5

საიდან შემოდის ყველაზე ძვირად ღირებული ავტომობილები საქართველოში? – TOP-5

2024 წლის იანვარ-ივნისში საქართველომ 1.2 მლნ აშშ დოლარის ავტომობილები იყიდა. საქართველოდან კი 933.9 მლნ აშშ დოლარის ავტომობილები გადაყიდა. თითქმის უცვლელია ავტომობილების იმპორტიორი…