დაფინანსების ახალი სქემით დადგმული სიმძლავრე 1500 მეგავატით გაიზრდება – პრემიერი
- ბიზნესიეკონომიკა
- ოქტომბერი 31, 2022
- 418
პრემიერ-მინისტრის ირაკლი ღარიბაშვილის განცხადებით, მომდევნო სამ წელში ენერგეტიკის სექტორში 3 მილიარდ დოლარის მოცულობის ინვესტიციები განხორციელდება. მთავრობის დღევანდელ სხდომაზე პრემიერმა ასევე თქვა, რომ დაფინანსების ახალი მექანიზმით საქართველოს ჯამში 1500 მეგავატი დადგმული სიმძლავრე შეემატება.
“ბუნდოვანი იყო ახალი პროექტების ბედი და ინვესტორებს მეტი სიცხადე სჭირდებოდათ. ელექტროსადგურის ოპერირებაში გაშვებიდან 15 წლის განმავლობაში ფასთა შორის სხვაობას ე.წ CFD-ის ხელშეკრულება ენერგეტიკული პროექტების მხარდაჭერას გულისხმობს. ეს არის სქემა, რასაც ინვესტორებს შევთავაზებთ. მხადაჭერის ახალი სქემა მოიცავს აუქციონის წესს და მომდევნო სამი წლის განმავლობაში ჯამში 1500 მეგავატი ელექტროსადგურების მშენებლობის ხელშეწყობა მოხდება. ამაში არ შედის დიდი პროექტები: ნამახვანჰესი, ნენსკრა და ხუდონი. ანუ ჯამურად ამ 1500 მეგავატის სიმძლავრის ხელშეწყობით დაახლოებით 2.2 მილიარდ დოლარის ინვესტიციას ველოდებით”, – აცხადებს ღარიბაშვილი.
მისივე თქმით, ეკონომიკის ზრდის ფონზე ელექტროენერგიის მოხმარება იზრდება და ჰესების მშენებლობა გაზრდილ მოხმარებას უნდა დაეწიოს.
