დღეს ვერ ვხედავთ პროდუქციაზე ფასების ზრდის საფუძველს – რითეილ ასოციაცია ლარის მერყეობაზე

დღეს ვერ ვხედავთ პროდუქციაზე ფასების ზრდის საფუძველს – რითეილ ასოციაცია ლარის მერყეობაზე

რითეილ ასოციაციაში აცხადებენ, რომ ლარის ბოლოდროინდელი მერყეობის მიუხედავად, ამ ეტაპზე პროდუქტებზე ფასების ზრდის საფუძველი არ არსებობს.

როგორც ასოციაციის გამგეობის თავმჯდომარემ BMG-ის განუცხადა, ლარის გაუფასურება ჯერჯერობით იმ მასშტაბის არაა, რომ ამან ფასებზე მოახდინოს გავლენა.

გიორგი ხაბაშვილის თქმით, ამ ეტაპზე პროდუქციის გაძვირებისთვის მთავარი რისკი იმპორტიორ ქვეყნებში არსებული ინფლაციაა, თუმცა ჯერჯერობით რითეილ ასოციაციის წევრი სავაჭრო ქსელები ფასების გადახედვას არ გეგმავენ.

“რითეილ ასოციაციის წევრი კომპანიები თავადაც ახორციელებენ ბევრი პროდუქციის იმპორტს, შესაბამისად, მათ კარგად იციან, თუ რა ვითარებაა ბაზარზე. დღეს ვერ ვხედავთ იმის საფუძველს, რომ ფასები გაიზარდოს. ლარის კურსის მცირე ცვალებადობა ფასებზე გავლენას ვერ მოახდენს. მიგვაჩნია, რომ ჩვენთვის უფრო მეტი რისკია, იმ ქვეყნებში არსებული შიდა ინფლაცია, საიდანაც პროდუქცია შემოგვაქვს. შესაბამისად, მნიშვნელოვანია, რომ ძირითად იმპორტიორ ქვეყნებში არ გაიზარდოს ფასები, რადგან ეს, რა თქმა უნდა, პირდაპირ აისახება ადგილობრივ ფასებზეც. თუმცა ჯერჯერობით ამ მიმართულებით რაიმე დრამატული ცვლილებები არ გვაქვს. როგორც აღვნიშნე, ჯერჯერობით საფუძველი არ გვაქვს, რომ რაიმე დრამატული გაძვირების რისკის წინაშე ვიყოთ.

რა თქმა უნდა, თავისუფალი ბაზრის პირობებში რომელიმე კომპანიამ შეიძლება ლარის ეს მერყეობა მცირედი გაძვირების საფუძვლად მიიჩნიოს. თუმცა როგორც აღვნიშნე, რითეილ ასოციაციის წევრი კომპანიებისგან გვაქვს ინფორმაცია, რომ ამ ეტაპზე გაძვირების საფუძველი არ არსებობს”, – განაცხადა გიორგი ხაბაშვილმა.

ცნობისთვის, დისტრიბუტორთა ბიზნესასოციაციაში აცხადებენ, რომ თუკი ლარი დოლართან მიმართებაში 2.8 ლარიან ნიშნულს გადაცდება, კომპანიებს ფასების გადახედვა მოუწევთ. ასოციაციის ვიცე-პრეზიდენტის თქმით, ეროვნული ვალუტის ბოლოდროინდელი მერყეობა ბიზნესზე ნეგატიურად აისახება და იმ შემთხვევაში, თუკი ლარი გაუფასურებას გააგრძელებს, ეს უკვე უშუალოდ პროდუქციის ფასებზეც აისახება.

მსგავსი სიახლეები

ეროვნული ბანკის ევრო 2024-ის მონეტა ოქროს და ვერცხლის იქნება

ეროვნული ბანკის ევრო 2024-ის მონეტა ოქროს და ვერცხლის იქნება

ფეხბურთში ეროვნული ნაკრების ისტორიული გამარჯვებისა და ევროპის 2024 წლის ჩემპიონატზე თამაშის აღსანიშნავად, საქართველოს ეროვნული ბანკი 5 ლარის ნომინალის საკოლექციო დანიშნულების ოქროსა…
რუსეთის თავდასხმებით უკრაინის ენერგეტიკამ $56 მილიარდის ზარალი მიიღო

რუსეთის თავდასხმებით უკრაინის ენერგეტიკამ $56 მილიარდის ზარალი მიიღო

ბოლო პერიოდის განმავლობაში რუსული სამხედრო ძალების სამიზნე უკრაინის ენერგეტიკული და საკომუნიკაციო ინფრასტრუქტურაა. ამ ეტაპზე, მოსახლეობის მნიშვნელოვან ნაწილს შეზღუდული აქვს ელექტროენერგიის, გაზისა…
დაზღვევა საბანკო სექტორის დანამატი ხდება, გამოსავალი აქტივების ფლობის აკრძალვაა – არჩილ მორჩილაძე

დაზღვევა საბანკო სექტორის დანამატი ხდება, გამოსავალი აქტივების ფლობის აკრძალვაა…

სადაზღვევო კომპანიების ნაწილი კომერციული ბანკებისთვის სადაზღვევო სფეროში აქტივების ფლობის შეზღუდვის ინიციატივის გააქტიურებას გეგმავს. როგორც „საქართველოს სადაზღვევო ჯგუფის“ დამფუძნებელმა BMG-ის განუცხადა, კონკურენციის…