ევროპაში ბუნებრივი აირის ფასი მკვეთრად, ორწლიან მინიმუმამდე დაეცა

ევროპაში ბუნებრივი აირის ფასი მკვეთრად, ორწლიან მინიმუმამდე დაეცა

რუსეთ-უკრაინის ომის გაგრძელების მიუხედავად, ევროპის მასშტაბით ბუნებრივი აირის ფასი მკვეთრად ეცემა – ერთთვიან ჭრილში ევროპული გაზის ბენჩმარკის, Dutch TTF-ის ღირებულება დამატებით 23%-ით შემცირდა და ამჟამად მეგავატი-საათი ენერგიის ღირებულება 31 ევროს შეადგენს, რაც ორწლიანი მინიმუმია. წინა წლის ანალოგიურ პერიოდთან შედარებით გაზის ფასი თითქმის 65%-ითაა შემცირებული.

ბუნებრივი აირი მკვეთრადაა გაიაფებული ამერიკის შეერთებული შტატების მასშტაბითაც, სადაც წლიურ ჭრილში გაიაფების მაჩვენებელი 70%-ს აღწევს.

ანალოგიური ვითარებაა ბრიტანეთის მასშტაბითაც, სადაც ერთ წელიწადში ბუნებრივი აირის ფასი საშუალოდ 60%-ით შემცირდა.

გაზის გაიაფება რიგი ფაქტორებითაა განპირობებული, თუმცა მათ შორის ყველაზე მნიშვნელოვანი ევროკავშირის მიერ გაზის ფასზე ლიმიტის დაწესებაა. დეკემბერში ევროკავშირი Dutch TTF-ზე 180-ევროიანი ჭერის დაწესებაზე შეთანხმდა. გარდა ამისა, ამოქმედდა სუბსიდირების მექანიზმი, EU-ს მასშტაბით კი სტრატეგიული რეზერვები ფაქტობრივად სრულად შეივსო.

გასათვალისწინებელია შედარებით თბილი ზამთრის ფაქტორიც, 2022 წელს სინოპტიკოსები ევროკავშირის მასშტაბით სუსხიან ამინდს პროგნოზირებდნენ, თუმცა ეს მოლოდინი არ გამართლდა, გაზზე მოთხოვნა კი დაგეგმილზე ნაკლები აღმოჩნდა.

აქვე უნდა ითქვას ისიც, რომ ევროპული სახელმწიფოები, განსაკუთრებით კი გერმანია თხევადი გაზზე ადაპტირდნენ, LNG-ის იმპორტის ზრდა კი ბუნებრივი აირის მოხმარების შემცირებას უწყობს ხელს.

მსგავსი სიახლეები

ღვინის ტურიზმი საქართველოში

ღვინის ტურიზმი საქართველოში

ქეთევან ქველაძე – ეკონომიკის დოქტორი, უფროსი მეცნიერთანამშრომელი; ნუნუ ქისტაური – ეკონომიკის დოქტორი, უფროსი მეცნიერთანამშრომელი; მედეა მელაშვილი – მეცნიერთანამშრომელი მსოფლიოში ღვინის ტურიზმი…
კონტროლი უნდა გამკაცრდეს, სამშენებლო მანქანები ქუჩებს არ უნდა აბინძურებდნენ – მერი

კონტროლი უნდა გამკაცრდეს, სამშენებლო მანქანები ქუჩებს არ უნდა აბინძურებდნენ…

სამშენებლო მოედნებიდან გამოსული მანქანები დედაქალაქში ეკოლოგიურ და ინფრასტრუქტურულ პრობლემებს ქმნიან, – ამის შესახებ მთავრობის სხდომაზე მერმა განაცხადა. კახა კალაძე ამბობს, რომ…
საქართველოს რამდენი მოქალაქე დასაქმდა 2023 წელს ლეგალურად გერმანიასა და ისრაელში? – ანგარიში

საქართველოს რამდენი მოქალაქე დასაქმდა 2023 წელს ლეგალურად გერმანიასა და…

ჯანდაცვის სამინისტრომ „დასაქმების პოლიტიკის დაგეგმვისა და განხორციელების 2023 წლის ანგარიში“ წარმოადგინა. ანგარიშის მიხედვით, ლეგალური დასაქმების სახელმწიფო პროგრამით 2023 წელს გერმანიაში 1 193 პილი დასაქმდა,…