“ეს მხოლოდ საქართველოს პრობლემა არ არის” – ლევან მეხუზლა ქართული ღვინის დაბალ ფასზე

“ეს მხოლოდ საქართველოს პრობლემა არ არის” – ლევან მეხუზლა ქართული ღვინის დაბალ ფასზე

დღეს გამართულ აგრარულ საკითხთა კომიტეტის სხდომაზე ღვინის ეროვნული სააგენტოს თავმჯდომარე ლევან მეხუზლამ სააგენტოს 2022 წლის შემაჯამებელი ანგარიში წარადგინა, რომლის თანახმადაც, გასულ წელს ქართული ღვინის საექსპორტო ფასი 1 ლიტრზე, საშუალოდ, $2.6-ია.

დეპუტატების კითხვაზე – რა შეიძლება გაკეთდეს ქართული ღვინის მაღალ საფასო კატეგორიაში მოსახვედრად, სააგენტოს თავმჯდომარე განმარტავს, რომ ღვინოზე ფასის კლება გლობალური ტენდენციაა.

“ეს მხოლოდ საქართველოს პრობლემა არ არის. ღვინის გაიაფების ტენდენცია პოსტკოვიდურ პერიოდში დაიწყო და რამდენიმე წელი, 2023 წლამდე ასე იყო, მათ შორის ქართულ ღვინოზეც. შესაბამისად, ეს უფრო ობიექტური გარემოებებითაა გამოწვეული, ვიდრე სუბიექტური და ეს ევროპული ღვინოების შემთხვევაშიც ასეა. თუ ჩვენ ძველ წლებს შევადარებთ, ღვინის საშუალო ფასი უფრო მეტი იყო, თუმცა ამ ობიექტური გარემოებების გათვალისწინებით, ღვინის ფასით 2022 წელს TOP-შვიდეულში შევდივართ”, – ამბობს ლევან მეხუზლა და დასძინა, რომ 2023 წელს ამ მხრივ შედარებით უკეთესი მდგომარეობაა და ღვინის საშუალო ფასი იზრდება.

ამ საკითხს ასევე გამოეხმაურა სოფლის მეურნეობის მინისტრის მოადგილე იური ნოზაძეც, რომლის თქმითაც, ქართული ღვინის პოპულარიზაციისა და, შესაბამისად, ფასის გასაზრდელად, მარკეტინგული ღონისძიებები ყოველწლიურად ტარდება.

“იმისთვის, რომ ფასი გაიზარდოს, წლის განმავლობაში ჩვენი ჩართულობით მარკეტინგული ღონისძიებები ტარდება, რაც ქართული ღვინის პოპულარიზაციასა და ცნობადობის ამაღლებას ემსახურება. ეს კეთდება არა მხოლოდ იმისთვის, რომ ექსპორტი გაიზარდოს, არამედ იმისთვისაც, რომ ღვინის ფასზე მოახდინოს გავლენა. მარკეტინგულ ღონისძიებებში გათვალისწინებულია, რომ ქართული ღვინო უფრო მიმზიდველი და ცნობადი იყოს უცხოელი მომხმარებლებისთვის, რაც ფასის ზრდასაც იწვევს”, – ამბობს იური ნოზაძე.

საქსტატის ინფორმაციით, 2022 წელს საქართველომ რეკორდული, 252,5 მლნ დოლარის ღირებულების ღვინის რეალიზება შეძლო და სხვადასხვა ბაზარზე 106.7 ათასი ტონა ღვინო გაყიდა.

მსგავსი სიახლეები

ფოთი-კონსტანცას ხაზზე ახალი ბორანი სექტემბრიდან დაემატება

ფოთი-კონსტანცას ხაზზე ახალი ბორანი სექტემბრიდან დაემატება

ქართული კომპანია E60 Shipping Line-ი ფოთი-კონსტანცას ხაზზე საბორნე მიმოსვლას სექტემბრიდან აფართოებს. როგორც კომპანიის დირექტორმა, შალვა წაქაძემ bm.ge-სთან განაცხადა, გაფართოების გადაწყვეტილება გადაზიდვებზე…
ჩინეთი საქართველოს მესამე უმსხვილესი სავაჭრო პარტნიორია – რით ვვაჭრობთ სტრატეგიულ პარტნიორთან?

ჩინეთი საქართველოს მესამე უმსხვილესი სავაჭრო პარტნიორია – რით ვვაჭრობთ…

2024 წლის იანვარ-მაისის წინასწარი მონაცემებით, ჩინეთი, 691.6 მილიონ დოლარიანი ბრუნვით, საქართველოს მესამე უმსხვილესი სავაჭრო პარტნიორია. საქსტატის მონაცემებით, წლის პირველ ხუთ თვეში ჩინეთზე საქართველოს მთლიანი…
ყალბი ფულის გასაღებისთვის ერთი პირი დააკავეს

ყალბი ფულის გასაღებისთვის ერთი პირი დააკავეს

საქართველოს ფინანსთა სამინისტროს საგამოძიებო სამსახურის თანამშრომლების მიერ, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, ყალბი ფულის გასაღების ფაქტზე, დაკავებულ იქნა ერთი…