თაფლის ექსპორტი 57%-ით შემცირდა, იმპორტი – 82%-ით – საიდან ვყიდულობთ/ვყიდით პროდუქციას?

თაფლის ექსპორტი 57%-ით შემცირდა, იმპორტი – 82%-ით – საიდან ვყიდულობთ/ვყიდით პროდუქციას?

გასულ წელს ქვეყნის ფარგლებს გარეთ 762 ათასი დოლარის ღირებულების 110 ტონა თაფლი გაიყიდა. ოფიციალურ სტატისტიკაში ასახული რიცხვები ცხადყოფს, რომ პროდუქციის საექსპორტო მოცულობა ერთწლიან ჭრილში 57%-ით შემცირდა, ხოლო ღირებულებითი თვალსაზრისით კლება 35%-ია.

საქსტატის მონაცემების მიხედვით ირკვევა, რომ გასულ წელს თაფლის ექსპორტის შემცირების გარდა საერთაშორისო ბაზარზე პროდუქციის ღირებულება გაზრდილია.

2023 წელს საქართველოდან ექსპორტზე თაფლი 15 მიმართულებით გავიდა, მთავარი საექსპორტო ბაზარი კი საფრანგეთია, რომელზეც გასულ წელს ექსპორტირებული პროდუქციის 37.2% მოდის.

TOP 5 საექსპორტო ქვეყანა კი ასეთია:

1. საფრანგეთი – 235.08 ათასი დოლარი; 41.40 ტონა;
2. ჩეხეთი – 126.13 ათასი დოლარი; 6.02 ტონა;
3. არაბეთის გაერთიანებული საამიროები – 87.73 ათასი დოლარი; 9.51 ტონა;
4. ბულგარეთი – 69.93 ათასი დოლარი; 21.93 ტონა;
5. ერაყი – 59.62 ათასი დოლარი; 13.25 ტონა;

კლება შეინიშნება იმპორტის მხრივაც. 2023 წელს ქვეყანამ 36.61 ათასი დოლარის ღირებულების 5.74 ტონა თაფლი შეიძინა. 2023 წლის შედეგებთან შედარებით გასული წლის იმპორტი რაოდენობრივი თვალსაზრისით 82%-ით, ხოლო ღირებულებით 56.2%-ით ნაკლები მაჩვენებელია.

გასულ წელს თაფლი სულ 6 ქვეყნიდან შევიძინეთ, მთავარი საიმპორტო ქვეყანა კი ამ შემთხვევაშიც საფრანგეთია, საიდანაც საქართველოში იმპორტირებული თაფლის 22.3%-ი მოდის.

ექვსივე საიმპორტო ბაზრის წილი კი ასე გამოიყურება:

1. საფრანგეთი – 13.06 ათასი დოლარი; 1.28 ტონა
2. უკრაინა – 8.53 ათასი დოლარი; 2.91 ტონა;
3. იტალია – 7.31 ათასი დოლარი; 0.63 ტონა;
4. ახალი ზელანდია – 2.70 ათასი დოლარი; 0.02 ტონა;
5. ესპანეთი – 2.67 ათასი დოლარი; 0.60 ტონა;
6. გერმანია – 2.32 ათასი დოლარი; 0.30 ტონა;

მსგავსი სიახლეები

წელს კაპიტალის ბაზარზე რამდენიმე მსხვილი კორპორაციული ემისია განხორციელდება, იგეგმება ევრობონდების გამოშვებაც – Galt & Taggart

წელს კაპიტალის ბაზარზე რამდენიმე მსხვილი კორპორაციული ემისია განხორციელდება, იგეგმება…

მიმდინარე წელს კაპიტალის ბაზარზე გაზრდილ აქტივობას ელოდებიან. როგორც საინვესტიციო ბანკ Galt & Taggart-ში აცხადებენ, წელს 6 თვეში ადგილობრივ ბაზარზე 140 მლნ…
ირაკლი კობახიძე დიდი ბრიტანეთის ელჩს შეხვდა

ირაკლი კობახიძე დიდი ბრიტანეთის ელჩს შეხვდა

საქართველოს პრემიერ-მინისტრი ირაკლი კობახიძე დიდი ბრიტანეთის ელჩს, მარკ კლეიტონს შეხვდა, რომელიც საქართველოში დიპლომატიურ მისიას ასრულებს. მთავრობის ადმინისტრაციის ცნობით, გამოსამშვიდობებელ შეხვედრაზე ხაზი…
2025 წელს საქართველოს ქალაქების მოსახლეობის 100%-ს უწყვეტი სტანდარტების შესაბამისი წყალმომარაგება ექნება – სტრატეგია

2025 წელს საქართველოს ქალაქების მოსახლეობის 100%-ს უწყვეტი სტანდარტების შესაბამისი…

რეგიონული განვითარების და ინფრასტრუქტურის სამინისტრომ მაღალმთიანი დასახლებების განვითარების 2024-2030 წლების სტრატეგია გამოაქვეყნა. სტრატეგიაში საუბარია პრიორიტეტებზე, რომლებიც მომდევნო წლებში უნდა შესრულდეს და…