თუ დანარჩენ მსოფლიოში ქართული ღვინის საშუალო ფასი $3.3-ია, რუსეთში $2.7 ღირს – IDFI

ინფორმაციის თავისუფლების განვითარების ინსტიტუტი [IDFI]-ის მიერ გამოქვეყნებულ კვლევაში წერია, რომ ქართული ღვინისთვის რუსეთი ერთ-ერთი იაფ ბაზრად რჩება, მიუხედავად იმისა, რომ ბოლო წლებში ღვინის ექსპორტი რუსეთში გაიზარდა.

კვლევაში წერია, რომ მნიშვნელოვნად არის გაზრდილი ქართული ღვინის დამოკიდებულებაც რუსეთის ბაზარზე. კერძოდ თუკი მაგალითად, 2016 წელს რუსეთში რეალიზებული ღვინის ღირებულება 55.8 მლნ დოლარი იყო, 2024 წელს ეს მაჩვენებელი 182.6 მლნ დოლარამდე გაიზარდა.

ამას გარდა, ქართული ღვინისთვის რუსეთი ერთ-ერთ იაფიან ბაზრად რჩება და თუკი დანარჩენ მსოფლიოში ერთი ლიტრი ღვინის საშუალო საექსპორტო ფასი 3.3 დოლარს შეადგენს, რუსეთში ეს მაჩვენებელი 18%-ით ნაკლები – 2.7 დოლარია. შარშან ჯამურად ღვინის ექსპორტის 66% რუსეთზე მოდიოდა.

ქართული ღვინოს ექსპორტი რუსეთში ბოლო ათ წელში:

• 2013 წელი – 56.8 მლნ დოლარი
• 2014 წელი – 111.4 მლნ დოლარი
• 2015 წელი – 43.3 მლნ დოლარი
• 2016 წელი – 55.8 მლნ დოლარი
• 2017 წელი – 98.9 მლნ დოლარი
• 2018 წელი – 114.5 მლნ დოლარი
• 2019 წელი – 133.2 მლნ დოლარი
• 2020 წელი – 119.5 მლნ დოლარი
• 2021 წელი – 130.7 მლნ დოლარი
• 2022 წელი – 160.8 მლნ დოლარი
• 2023 წელი – 168.2 მლნ დოლარი
• 2024 წელი – 182.6 მლნ დოლარი