ივნისში თბილისის საერთაშორისო აეროპორტში მგზავრნაკადი 30%-ით გაიზარდა
- ეკონომიკა
- ივლისი 3, 2023
- 264
2023 წლის ივნისში თბილისის საერთაშორისო აეროპორტი 320 261 მგზავრს მოემსახურა, რაც 2019 წლის იმავე თვის მგზავრთნაკადის რაოდენობის 83%-ია, ხოლო 2022 წლის ივნისის მონაცემებთან შედარებით, 30%-იანი ზრდაა.
ამის შესახებ თბილისისა და ბათუმის საერთაშორისო აეროპორტების ოპერატორ კომპანია TAV Georgia-ში განმარტავენ.
კომპანიის ცნობით, ბათუმის საერთაშორისო აეროპორტი 2023 წლის ივნისში 69 150 მგზავრს მოემსახურა, რაც გასული წლის იმავე თვის მაჩვენებელს 9%-ით აღემატება, ხოლო 2019 წლის ანალოგიური პერიოდის მონაცემებთან 62%-იანი აღდგენაა.
