ენერგეტიკული ბირჟის გახსნამდე ხუთი დღე დარჩა, თუმცა სექტორის წარმომადგენლებს აქვთ ვარაუდი, რომ შესაძლოა, ეს მისი სრულად ამოქმედება კიდევ ერთხელ გადავადდეს.
ეკონომიკის მინისტრმა, ლევან დავითაშვილმა Bm.ge-ის კითხვის პასუხად დღეს განაცხადა, რომ ამ ეტაპზე სამზადისის პროცესში არიან და თუ მთავრობა განსხვავებულ გადაწყვეტილებას არ მიიღებს, ბირჟა პირველი ივლისიდან გაიხსნება.
“ეს არის ძალიან კომპლექსური საკითხი, რაზეც როგორც პარტნიორებთან, ისე საზოგადოებასთანაც ძალიან ხშირად გვქონია საუბარი. დღესაც გვქონდა პროცედურულ საკითხებში ცვლილებები მთავრობაზე გატანილი, ეს ბირჟის წესებში ვაჭრობის კონკრეტულ ელემენტებს ეხებოდა, რომელიც დაკავშირებული იყო იმპორტულ ელექტროენერგიასთან იმ შემთხვევაში, თუ საქართველო იმპორტს ახორციელებს”, – ამბობს ეკონომიკის მინისტრი.
დავითაშვილი აღნიშნავს იმასაც, რომ მაქსიმალურად ცდილობენ, შესაძლო რისკები თავიდან აირიდონ, ამიტომ ყველა უწყებასთან ერთად აქტიურად მუშაობენ.
“ვცდილობთ, რომ ავიცილოთ ყველა რისკი და გაუთვალისწინებელი ფაქტორები უარყოფითად არ მოქმედებდეს როგორც მომხმარებლებზე, ისე გენერაციაზე, აქედან გამომდინარე ჩვენ ყოველდღიურ რეჟიმში სხვადასხვა უწყებასთან ერთად ვმუშაობთ იმისთვის, რომ ამოქმედება იყოს მაქსიმალურად უმტკივნეულო და უპრობლემო”, – განაცხადა ლევან დავითაშვილმა.
ლენტეხის მუნიციპალიტეტში, მდინარე ცხენისწყალზე 22 მგვტ დადგმული სიმძლავრის ჰიდროელექტროსადგურის – “ცხენისწყალი 1 ჰესის” მშენებლობა მიმდინარე წელს დაიწყება. როგორც პროექტის განმახორციელებელი კომპანიის –…
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის…
2024 წლის პირველ ნახევარში საქართველოში ჩინეთიდან ავტომობილების იმპორტი გაორმაგდა – აღნიშნულ პერიოდში საქართველოში სულ $22 მილიონი დოლარის ღირებულების ავტომობილების იმპორტი განხორციელდა,…