14 ივლისს, ფინანსთა სამინისტროს შემოსავლების სამსახურის უფროსის მოადგილემ ვლადიმერ ხუნდაძემ და საბაჟო დეპარტამენტის ხელმძღვანელმა ზურაბ სიჭინავამ საქართველოში ევროკავშირის დელეგაციის წარმომადგენელთან კოლომბ დე მერსესა და მიგრაციის საერთაშორისო ორგანიზაციის (IOM) საქართველოს წარმომადგენლობის ხელმძღვანელთან სანია ჩელებიჩ ლუკოვაცსასთან სამუშაო შეხვედრა გამართეს. შეხვედრას ასევე ესწრებოდა საერთაშორისო ურთიერთობათა დეპარტამენტის ხელმძღვანელი სამსონ ურიდია.
შეხვედრის ფარგლებში, მხარეებმა მიმდინარე და მომავალი თანამშრომლობის საკითხები, დაგეგმილი პროექტები და ახალი შესაძლებლობები განიხილეს.
მიგრაციის საერთაშორისო ორგანიზაციამ (IOM) ევროკავშირის მხარდაჭერით, საბაჟო დეპარტამენტს 80 ერთეული რადიოგადამცემი და 60 სამკერდე კამერა გადასცა. აღნიშნული აღჭურვილობა საბაჟო გამშვებ პუნქტებზე გადანაწილდება და ხელს შეუწყობს მებაჟე-ოფიცრების მიერ, საზღვარზე ეფექტიანი კონტროლის განხორციელებას და შეუფერხებელ კომუნიკაციას.
შეხვედრის მსვლელობისას, ვლადიმერ ხუნდაძემ ევროკავშირისა და IOM- ის წარმომადგენლებს მადლობა გადაუხადა მნიშვნელოვანი მხარდაჭერისა და იმ მჭიდრო თანამშრომლობისთვის, რომელიც უკვე მრავალი წელია ხორციელდება, როგორც ინსტიტუციონალური განვითარების, ასევე
საბაჟო დეპარტამენტის კონტროლის სისტემებით აღჭურვის მიმართულებით.
,,მნიშვნელოვანია ევროკავშირის და IOM-ს მხარდაჭერის გაგრძელება საბაჟოს შესაძლებლობების განვითარების მიმართულებით. გვახარებს, რომ სამომავლო გეგმებში გვაქვს თქვენი სრული მხარდაჭერა. შემოსავლების სამსახურის სახელით, კიდევ ერთხელ გიდასტურებთ, რომ ყოველი თქვენი მხარდაჭერა მაქსიმალურად ეფექტიანად იქნება გამოყენებული, როგორც ქვეყნის უსაფრთხოებისა და კანონის შესაბამისობის უზრუნველყოფისთვის, ასევე საზღვრებს შორის კანონიერი ვაჭრობის შემდგომი გაუმჯობესების მიმართულებით “, – განაცხადა ვლადიმერ ხუნდაძემ.
ლენტეხის მუნიციპალიტეტში, მდინარე ცხენისწყალზე 22 მგვტ დადგმული სიმძლავრის ჰიდროელექტროსადგურის – “ცხენისწყალი 1 ჰესის” მშენებლობა მიმდინარე წელს დაიწყება. როგორც პროექტის განმახორციელებელი კომპანიის –…
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის…
2024 წლის პირველ ნახევარში საქართველოში ჩინეთიდან ავტომობილების იმპორტი გაორმაგდა – აღნიშნულ პერიოდში საქართველოში სულ $22 მილიონი დოლარის ღირებულების ავტომობილების იმპორტი განხორციელდა,…