რამდენი ადამიანი ზოგავს ფულს კერძო საპენსიო ფონდებში?

რამდენი ადამიანი ზოგავს ფულს კერძო საპენსიო ფონდებში?

დღეს ე.წ მესამე სვეტის ანუ კერძო დაგროვებითი საპენსიო სქემების გავრცელება ქვეყანაში ძალიან დაბალია. საქართველოს დაზღვევის სახელმწიფო სამსახურში 2023 წლის 9 თვის მდგომარეობით 3 არასახელმწიფო საპენსიო სქემაა რეგისტრირებული, რომელთაგანაც 2 სქემის დამფუძნებელს სადაზღვევო ორგანიზაცია წარმოადგენს, ხოლო ერთი სქემა დაფუძნებულია არამზღვეველი იურიდიული პირის მიერ საკუთარი დასაქმებულებისათვის.

დაზღვევის ზედამხედველობის სამსახურის მონაცემებით, ე.წ მესამე სვეტის საპენსიო სქემაში მოქმედი საპენსიო ხელშეკრულებების მიხედვით 15,674 მონაწილეა რეგისტრირებული. ყველაზე მეტი მონაწილე სადაზღვევო კომპანია „ჯი პი აი ჰოლდინგის” დაფუძნებულ საპენსიო სქემას ჰყავს. დანაზოგს სქემაში 11,415 მონაწილე აკეთებს. 3,661 მონაწილე ჰყავს „ალდაგის“ საპენსიო სქემას, 598 მონაწილეა რეგისტრირებული „საქაერონავიგაციის“ საპენსიო ფონდში.

2023 წლის 9 თვის მდგომარეობით, საპენსიო სქემებში მონაწილეებმა 3,4 მილიონი ლარის საპენსიო შენატანი განახორციელეს. 30 სექტემბრის მდგომარეობით, საპენსიო რეზერვების მოცულობამ 40 მილიონ ლარს მიაღწია, საპენსიო სქემების საინვესტიციო შემოსავალი კი ჯამურად 2,8 მილიონ ლარს შეადგენს.

მიუხედავად იმისა, რომ სადაზღვევო კომპანიებისგან განსხვავებით „საქაერონავიგაციის” დაფუძნებულ სქემას გაცილებით ცოტა მონაწილე ჰყავს, ყველაზე მეტ შენატანს სწორედ ამ სქემის მონაწილეები ახორციელებენ [2,8 მლნ ლარი] და შესაბამისად საინვესტიციო შემოსავლის მიხედვითაც, რაც 2,3 მილიონი ლარია, საქაერონავიგაცია ლიდერობს.

“მესამე სვეტის” პენსიის ბენეფიციარები საპენსიო ასაკის მიღწევის შემდეგ მიიღებენ როგორც სახელმწიფო საბაზისო პენსიას, ასევე სახელმწიფო დაგროვებით პენსიას და “მესამე სვეტის” ანუ კერძო-დაგროვებით პენსიას.

აღსანიშნავია, რომ პარლამენტი „კერძო ნებაყოფლობითი პენსიის შესახებ“ კანონპროექტს განიხილავს, რომელიც თავისუფლებას აძლევს დასაქმებულებს, დამსაქმებლებსა და აქტივების მმართველ კომპანიებს, ისევე როგორც სადაზღვევო კომპანიებს დასაქმებულების კონკრეტული სეგმენტისათვის კონკურენტუნარიანი საპენსიო პროდუქტი შექმნან.

დღეს არსებულ კერძო საპენსიო სქემებზე საგადასახადო შეღავათი არ ვრცელდება. ეკონომიკის სამინისტროს მიერ მომზადებულ კანონპროექტში კი მოქალაქეების კერძო სქემებით დაინტერესების სტიმულირებისთვის საგადასახადო შეღავათებია გათვალისწინებული.

მსგავსი სიახლეები

მინერალური წყლების ექსპორტი ისტორიულ მაქსიმუმზეა – სად ვყიდით წყალს?

მინერალური წყლების ექსპორტი ისტორიულ მაქსიმუმზეა – სად ვყიდით წყალს?

მინერალური და მტკნარი წლების ექსპორტი ისტორიულ მაქსიმუმზეა. ეს სასაქონლო ჯგუფი საქართველოსთვის ერთ-ერთი მთავარი ადგილობრივი წარმოების პროდუქტია, რომელიც წლების განმავლობაში უმსხვილეს საექსპორტო…
II კვარტალში საცხოვრებელი უძრავი ქონება 14.9%-ით გაძვირდა

II კვარტალში საცხოვრებელი უძრავი ქონება 14.9%-ით გაძვირდა

2024 წლის მეორე კვარტალში, წინა კვარტალთან შედარებით საცხოვრებელი უძრავი ქონების ფასების ინდექსი (RPPI) 4.8%-ით გაიზარდა, ხოლო ინდექსის წლიურმა ზრდამ 14.9% შეადგინა.…
რა გავლენა ექნება ჩინურ ავტო ინდუსტრიაზე აშშ-სა და ევროკავშირის მიერ დაწესებულ საიმპორტო ტარიფებს?

რა გავლენა ექნება ჩინურ ავტო ინდუსტრიაზე აშშ-სა და ევროკავშირის…

აშშ-სა და ევროკავშირის მიერ ჩინურ ავტომობილებზე დაწესებულმა ტარიფებმა, შესაძლოა, დიდი ზეგავლენა მოახდინოს ჩინური ავტომობილების ინდუსტრიაზე. ეს ტარიფები მიმართულია არასამართლიანი კონკურენციისა და სუბსიდიების პრობლემების მოსაგვარებლად, რომლებსაც ჩინელი ავტომწარმოებლები იღებენ თავიანთი მთავრობისგან, რაც დასავლეთის ოფიციალური პირების აზრით, ჩინურ კომპანიებს უპირატესობას ანიჭებს გლობალურ ბაზრებზე. აშშ-სა და ევროკავშირის ტარიფები, სავარაუდოდ ,საგრძნობლად გაზრდის ჩინური ავტომობილების ფასს ბაზარზე, რაც გამოიწვევს ჩინელი მწარმოებელის კონკურენტუნარიანობის შემცირებას აშშ-სა და ევროკავშირის ადგლობრივ მწარმობელთან, ისევე როგორც სხვა საერთაშორისო კონკურენტებტან, რომლებიც არ ექვემდებარებიან მსგავს ტარიფებს. ეს გამოიწვევს ჩინური ავტომანქანების ექსპორტის შემცირებას ზემოთ ხსენებულ ბაზრებზე. შეერთებული შტატებში ჩინურ ავტომანქანების წარმოებოას მინიმალური ბაზრის წილი გააჩნიათ სხვა კონკურენტი ქვეყნებისგან განსხვავებით, როგორიცაა მექსიკა, იპონია, კანადა, სამხრეთ კორეა…