რა შეცვალა Indorama-მ “რუსთავის აზოტში”?

რა შეცვალა Indorama-მ “რუსთავის აზოტში”?

სააქციო საზოგადოება “რუსთავის აზოტი“, რომელიც კავკასიის რეგიონში მინერალური სასუქებისა და ინდუსტრიული ქიმიკატების ერთ-ერთ ყველაზე მსხვილ საწარმოს წარმოადგენს, 2023 წლის იანვარში გაიყიდა. მისი 100%-იანი წილის მესაკუთრე სინგაპურში ბაზირებული კორპორაცია Indorama-ს ქართული შვილობილი კომპანიაა.

“საქმის კურსის” წამყვანმა Indorama Caucasus -ის აღმასრულებელ დირექტორს, ლევან ბურდილაძეს ჰკითხა, რა შეიცვალა წელიწადის განმავლობაში. ლევან ბურდილაძის თქმით, დასაქმებულების ანაზღაურება მნიშვნელოვნად გაიზარდა, მიმდინარე პროექტებით კი “რუსთავის აზოტში” განსხვავებული სურათი შეიქმნება.

“რა შეიცვალა? გასული წლის თებერვლიდან “ინდორამამ” თანამშრომლებს ხელფასები ერთხელ მოუმატა. 12%-იანი მატება იყო. წელსაც იგივე გაიმეორა და ვისაც 1500 ლარამდე ჰქონდა ხელფასი, 187.5 ლარით გაუზარდა, 1500 ლარზე მეტის მქონეს კი 102 ლარით მოუმატა. ეს იმას ნიშნავს, რომ გარკვეულ თანამშრომლებს 15-20%-იანი მატება შეეხო. ამასთან, გრძელდება სამუშაოები. საამქროს კეთილმოწყობა, შიდა ტერიტორიაზე გზების კეთილმოწყობა და ვიზუალური სამუშაო პროცესები მიმდინარეობს. ნაბიჯ-ნაბიჯ კომპანიამ დაიწყო და დარწმუნებული ვარ. 1.6 წელიწადში განსხვავებული სურათი იქნება”, – განაცხადა ლევან ბურდილაძემ.

„ინდორამა“ მსოფლიოში ერთ-ერთი ყველაზე მსხვილი კონგლომერატია, რომელიც აერთიანებს მინერალური სასუქების, ინდუსტრიული ქიმიკატებისა და სხვადასხვა ქიმიური პროდუქტის მწარმოებელ საწარმოებს. კორპორაცია ფლობს 160-ზე მეტ საწარმოს მსოფლიოს 38 ქვეყანაში, მათ შორის ევროპის, აზიის, აფრიკის, ჩრდილოეთ და ლათინური ამერიკის კონტინენტებზე და დასაქმებული ჰყავს 45 000 ათასზე მეტი ადამიანი.

მსგავსი სიახლეები

ილია და დღევანდელობა

ილია და დღევანდელობა

ეკონომიკურ მეცნიერებათა დოქტორი, პროფესორი. ივ.ჯავახიშვილის სახ. თსუ-ს პ.გუგუშვილის სახ. ეკონომიკის ინსტიტუტის მთავარი მეცნიერმუშაკი. ილია ჭავჭავაძე, საქართველოს ისტორიის მეორე სვეტად წოდებული „ქართული…
2024 წლის I კვარტალში უმუშევრობის დონე შემცირდა

2024 წლის I კვარტალში უმუშევრობის დონე შემცირდა

2024 წლის I კვარტალში საქართველოში უმუშევრობის დონე წინა წლის შესაბამის პერიოდთან შედარებით 4.0 პროცენტული პუნქტით შემცირდა და 14% შეადგინა. სტატისტიკის ეროვნული…
საპენსიო სააგენტოს აქტივებმა 5 მილიარდს გადააჭარბა

საპენსიო სააგენტოს აქტივებმა 5 მილიარდს გადააჭარბა

საქართველოს საპენსიო სააგენტოს ატქივებმა დღეს 5 მილიარდ ლარს გადააჭარბა. ეს თანხა წარმოადგენს 1.3 მილიონი ადამიანის საპენსიო დანაზოგს, რაც ერთ მონაწილეზე საშუალოდ…