საქსტატმა ბიზნეს სექტორის გამოკვლევის შედეგები გამოაქვეყნა, რომლის მიხედვითაც გასული წლის ბოლოსთვის ბიზნეს სექტორში დასაქმებულთა რაოდენობა 782 ათასი იყო, რაც 2022 წლის შესაბამის პერიოდთან შედარებით 41 ათასით, ანუ 5.6%-ით მეტია. სექტორების მიხედვით, ყველაზე მეტი – 218 ათასი ადამიანი ვაჭრობის სფეროში საქმიანობს. 94 ათასი დასაქმებულით მეორე პოზიციაზეა დამმუშავებელი მრეწველობა, მესამეზე კი ჯანდაცვა 74 ათასი დასაქმებულით. ყველაზე მეტად 12 ათასით დასაქმებულთა რაოდენობა ვაჭრობის სექტორში გაიზარდა, თითქმის 5 ათასით მოიმატა დასაქმებულთა რიცხვმა ინფორმაციისა და კომუნიკაციის სფეროში, ხოლო ხელოვნებისა და გართობის სექტორში ზრდა 4 ათასია.
2023 წლის მეოთხე კვარტალის მდგომარეობით კერძო სექტორში დასაქმებულთა რაოდენობა დარგების მიხედვით:
საბითუმო და საცალო ვაჭრობა – 218,053 დასაქმებული, ზრდა 12,404 ადამიანი;
დამმუშავებელი მრეწველობა – 93,674 დასაქმებული, ზრდა 292 ადამიანი;
ჯანდაცვა – 73,614 დასაქმებული, ზრდა 198 ადამიანი;
მშენებლობა – 68,695 დასაქმებული, ზრდა 5,478 ადამიანი;
ტრანსპორტი და დასაწყობება – 63,523 დასაქმებული, ზრდა 3,939 ადამიანი;
ინფორმაცია და კომუნიკაცია – 46,926 დასაქმებული, ზრდა 4,903 ადამიანი;
სასტუმროები და რესტორნები – 39,872 დასაქმებული, ზრდა 2,875 ადამიანი;
სამეცნიერო და ტექნიკური საქმიანობები – 25,525 დასაქმებული, ზრდა 1,494 ადამიანი;
განათლება – 24,629 დასაქმებული, ზრდა 194 ადამიანი;
ადმინისტრაციული და დამხმარე მომსახურების საქმიანობები – 23,107 დასაქმებული, ზრდა 2,151 ადამიანი;
უძრავ ქონებასთან დაკავშირებული საქმიანობები – 20,282 დასაქმებული, ზრდა 420 ადამიანი;
ხელოვნება გართობა და დასვენება – 18,721 დასაქმებული, ზრდა 3,911 ადამიანი;
ენერგეტიკა – 16,773 დასაქმებული, ზრდა 1,568 ადამიანი;
ნარჩენების მართვა და დაბინძურებისაგან გასუფთავების საქმიანობები – 15,996 დასაქმებული, ზრდა 1,048 ადამიანი;
სამთო-მოპოვებითი მრეწველობა – 12,548 დასაქმებული, ზრდა 42 ადამიანი;
სოფლის, სატყეო და თევზის მეურნეობა – 12,234 დასაქმებული, ზრდა 169 ადამიანი;
სხვა სახის მომსახურება – 8,133 დასაქმებული, ზრდა 264 ადამიანი;
ლენტეხის მუნიციპალიტეტში, მდინარე ცხენისწყალზე 22 მგვტ დადგმული სიმძლავრის ჰიდროელექტროსადგურის – “ცხენისწყალი 1 ჰესის” მშენებლობა მიმდინარე წელს დაიწყება. როგორც პროექტის განმახორციელებელი კომპანიის –…
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის…
2024 წლის პირველ ნახევარში საქართველოში ჩინეთიდან ავტომობილების იმპორტი გაორმაგდა – აღნიშნულ პერიოდში საქართველოში სულ $22 მილიონი დოლარის ღირებულების ავტომობილების იმპორტი განხორციელდა,…