რომელ ტელევიზიებს გაეზარდა/შეუმცირდა სარეკლამო შემოსავალი?

რომელ ტელევიზიებს გაეზარდა/შეუმცირდა სარეკლამო შემოსავალი?

2023 წლის პირველ კვარტალში სატელევიზიო და რადიო მაუწყებლების ჯამური სარეკლამო შემოსავალი წინა წლის იმავე პერიოდთან შედარებით, 12.5%-ით შემცირდა და 15.6 მილიონი ლარი შეადგინა.

რაც შეეხება მხოლოდ სატელევიზიო სარეკლამო შემოსავლებს, 2023 წლის პირველ კვარტალში ამ რიცხვმა 14.1 მილიონი ლარი შეადგინა, რაც წინა წლის იმავე პერიოდთან შედარებით, 2.2 მილიონი ლარით ნაკლებია.

სარეკლამო შემოსავლების შემცირების მიზეზად კომუნიკაციების კომისია აზარტული კომპანიებისთვის რეკლამის განთავსებაზე დაწესებულ შეზღუდვებს ასახელებს. კერძოდ, 2022 წლის 1 მარტიდან აზარტული თამაშების სამაუწყებლო რეკლამა აიკრძალა. რეგულაციის ამოქმედებამდე აზარტული თამაშების ორგანიზატორი კომპანიები მაუწყებლების მსხვილი დამფინანსებლები იყვნენ. ცნობისთვის, 2022 წლის პირველ კვარტალში აზარტული თამაშების სექტორიდან მიღებულმა სარეკლამო შემოსავალმა 4.8 ლარი შეადგინა.

მიმდინარე წლის პირველ კვარტალშიც სარეკლამო შემოსავლებით კვლავ “ტელეიმედი” ლიდერობს. აღსანიშნავია ის, რომ 2022 წლის I კვარტალთან შედარებით, სარეკლამო შემოსავლები შეუმცირდა “მთავარ არხს”; “ფორმულასა” და “ტვ პირველს”. სარეკლამო შემოსავლებში ზრდა ჰქონდათ “პოსტივის”, საზოგადოებრივ მაუწყებელს და “რუსთავი 2”-ს.

კერძოდ, თუ “მედია ჰოლდინგმა” [ბრენდული სახელით რუსთავი 2] 2022 წლის პირველ კვარტალში 1.9 მლნ ლარი მიიღო, 2023 წლის შესაბამის პერიოდში ეს მაჩვენებელი 2.2 მლნ ლარამდე გაიზარდა. 0.8 მლნ ლარიდან 1.6 მლნ ლარამდე გაიზარდა “პოსტვ”-ის შემოსავალი, ხოლო საბიუჯეტო დაფინანსებაზე მყოფი საზოგადოებრივი მაუწყებლის სარეკლამო შემოსავალი 0.2 მლნ ლარიდან 0.5 მლნ ლარამდე გაიზარდა.

I კვარტალში სარეკლამო შემოსავლები სატელევიზიო არხების მიხედვით ასე გადანაწილდა:

“ტელეიმედი” – 4.6 მლნ ლარი
მედია ჰოლდინგ [ბრენდული სახელი რუსთავი 2] – 2.2 მლნ ლარი
“პოსტვ” – 1.6 მლნ ლარი
“მთავარი არხი” – 1.3 მლნ ლარი
ტელეკომპანია “პირველი” – 1.1 მლნ ლარი
“ფორმულა” – 0.8 მლნ ლარი
“ბი ემ ჯი” – 0.6 მლნ ლარი
საზოგადოებრივი მაუწყებელი – 0.5 მლნ ლარი
“ჯი-დი-ეს თი-ვი” – 0.4 მლნ ლარი
მედია-ჰოლდინგი “ჯორჯიან თაიმზი” – 0.2 მლნ ლარი.

მსგავსი სიახლეები

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

აქსელის, საქართველოს ბიზნეს ანგელოზთა ქსელის ინიციატივით, საქართველომ ევროპის ბიზნეს ანგელოზთა ქსელის (EBAN) კონგრესის მასპინძლობისათვის განაცხადი შეიტანა. ევროპის ბიზნეს ანგელოზთა კონგრესი არის ერთ-ერთი ყველაზე მნიშვნელოვანი საინვესტიციო კონფერენცია ევროპაში, რომელიც…
წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება, 2025 წელს 4.8%-მდე დაჩქარდება – IMF

წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება,…

საერთაშორისო სავალუტო ფონდმა 2024 წლისთვის ეკონომიკური ზრდის პროგნოზები განაახლა. ორგანიზაციის პროგნოზის მიხედვით, მიმდინარე წელს კავკასიისა და ცენტრალური აზიის რეგიონში ეკონომიკური ზრდა…
ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ, “ტრანსკასპიური საერთაშორისო სატრანსპორტო მარშრუტით” საკონტეინერო გადაზიდვები განახლდა. გადაზიდვას სინცზიანიდან ნეაპოლამდე „ტრანსკასპიური საერთაშორისო სატრანსპორტო მარშრუტი“ და…