რომელ ქვეყნებში ღირს ინტერნეტი ყველაზე ძვირი და იაფი?

რომელ ქვეყნებში ღირს ინტერნეტი ყველაზე ძვირი და იაფი?

მსოფლიოს მასშტაბით საკაბელო ინტერნეტის სიჩქარე და ტარიფები დრამატულად განსხვავებულია, თუმცა რამდენიმე ტენდენციის გამოკვეთა ნამდვილად შესაძლებელია, მაგალითად: ინტერნეტი საშუალოდ ყველაზე ძვირი ჩრდილოეთ ამერიკის რეგიონში ღირს, ყველაზე იაფი კი – ყოფილი საბჭოთა კავშირის ქვეყნებში.

მაგალითად, საქართველოში 30 მბ/წმ ინტერნეტის ღირებულება საშუალოდ 13 დოლარს შეადგენს, რაც თითქმის 5-ჯერ უფრო იაფია აშშ-ის ფასებთან შედარებით.

რაც შეეხება ყველაზე იაფ ინტერნეტს, ის ყაზახეთში, მოლდოვაში, ბელარუსსა და რუმინეთშია ხელმისაწვდომი, სადაც თვიური გადასახადი 7 დოლარის ფარგლებში მერყეობს.

ინტერნეტი ყველაზე ძვირად ბურუნდიში, სურინამში, ზიმბაბვესა და კონგოში ფასობს, სადაც გადასახადი 200-300 დოლარის ფარგლებშია, რაც იმ მარტივი ფაქტითაა განპირობებული, რომ ამ ქვეყნებში სატელეკომუნიკაციო ინფრასტრუქტურა ჯერაც არ არის განვითარებული, შესაბამისად, ინტერნეტით სარგებლობა ძვირად ღირებულ სიამოვნებად ითვლება.

ევროპის მასშტაბით ინტერნეტის ტარიფი 30 დოლარის ფარგლებში მერყეობს, თუმცა ზოგიერთ ქვეყანაში, მაგალითად, შვეიცარიაში ინტერნეტის ღირებულება თითქმის ორჯერ მეტია.

აშშ-სა და კანადაში ინტერნეტის ფასი 60-70 დოლარის ფარგლებშია, თუმცა მომხმარებლის მიერ უფრო მაღალი სიჩქარის მოთხოვნის შემთხვევაში, ფასები დრამატულად იზრდება და ინტერნეტის ღირებულება ხშირად 200 დოლარს აჭარბებს.

უნდა აღინიშნოს, რომ ზემოხსენებული სტატისტიკა ითვალისწინებს ქვეყნებში წარმოდგენილი სატარიფო გეგმების საშუალო არითმეტიკულს და ის არ ითვალისწინებს კორპორაციული კლიენტებისთვის გაკეთებულ შეთავაზებებს.

მსგავსი სიახლეები

თბილისის აეროპორტში მგზავრთნაკადი 28%-ით, ბათუმის აეროპორტში 34%-ით გაიზარდა (I კვარტალი)

თბილისის აეროპორტში მგზავრთნაკადი 28%-ით, ბათუმის აეროპორტში 34%-ით გაიზარდა (I…

2024 წლის პირველი კვარტალის მონაცემებით, თბილისის საერთაშორისო აეროპორტში მგზავრთნაკადი 28%-იან ზრდას, ხოლო ბათუმის საერთაშორისო აეროპორტში – 34%-იან ზრდას აჩვენებს. როგორც თბილისისა…
მარტში ფულადი გზავნილები 36%-ით შემცირდა – ქვეყნები, საიდანაც ყველაზე მეტი თანხა გადმორიცხეს

მარტში ფულადი გზავნილები 36%-ით შემცირდა – ქვეყნები, საიდანაც ყველაზე…

საქართველოს ეროვნული ბანკის მონაცემებით, 2024 წლის მარტში ქვეყანაში შემოსული ფულადი გზავნილების ნაკადების მოცულობამ 278.5 მლნ აშშ დოლარი (746.8 მლნ ლარი) შეადგინა,…
ირაკლი კობახიძე ჩინეთის დელეგაციას შეხვდა – რაზე ისაუბრეს?

ირაკლი კობახიძე ჩინეთის დელეგაციას შეხვდა – რაზე ისაუბრეს?

საქართველოს პრემიერ-მინისტრი ირაკლი კობახიძე ჩინეთის სახალხო რესპუბლიკის დელეგაციას შეხვდა, რომელსაც მმართველი პარტიის საერთაშორისო ურთიერთობების მინისტრის მოადგილე ჩენ ჭოუ ხელმძღვანელობს. მთავრობის ადმინისტრაციის…