საქართველოში მოქმედმა ბანკებმა ეროვნულ ბანკს საქმიანობის 5 თვის ანგარიში წარუდგინეს. დოკუმენტაციის თანახმად, 15 კომერციული ბანკის ჯამურმა საკრედიტო პორტფელი მაისში 959 მილიონი ლარით გაიზარდა და მან 45.7 მილიარდ ლარს მიაღწია.
მაისში ეროვნული ვალუტით გაცემული სესხების მოცულობა 286.06 მლნ ლარით (1.14%-ით), ხოლო უცხოური ვალუტით გაცემული სესხების მოცულობა 673.66 მლნ ლარით (3.41%-ით) გაიზარდა. ამის გამო, მაისში სესხების დოლარიზაცია მცირდებით, 0.55 პროცენტული პუნქტით გაიზარდა, თუმცა ამის მიუხედავად, ეროვნული ვალუტის სესხების წილი მთლიანი პორტფელის 55.34%-ს შეადგენს.
“რეზიდენტი იურიდიული პირებისათვის 2023 წლის მაისის ბოლოს, კომერციულ ბანკებს ეროვნული ვალუტით გაცემული ჰქონდათ 7.36 მლრდ ლარის (წინა თვესთან შედარებით 0.10%-ით მეტი), ხოლო უცხოური ვალუტით 12.45 მლრდ ლარის (წინა თვესთან შედარებით 3.19%-ით მეტი) მოცულობის სესხი (გაცვლითი კურსის ეფექტის გარეშე, 0.34%-ით მეტი).
2023 წლის მაისის განმავლობაში 2.18%-ით, ანუ 525.43 მლნ ლარით გაიზარდა რეზიდენტი შინამეურნეობების სექტორის დაკრედიტების მოცულობა და მაისის ბოლოსათვის 24.68 მლრდ ლარი შეადგინა,”- ნათქვამია სებ-ის მიერ გამოქვეყნებულ ინფორმაციაში.
ლენტეხის მუნიციპალიტეტში, მდინარე ცხენისწყალზე 22 მგვტ დადგმული სიმძლავრის ჰიდროელექტროსადგურის – “ცხენისწყალი 1 ჰესის” მშენებლობა მიმდინარე წელს დაიწყება. როგორც პროექტის განმახორციელებელი კომპანიის –…
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის…
2024 წლის პირველ ნახევარში საქართველოში ჩინეთიდან ავტომობილების იმპორტი გაორმაგდა – აღნიშნულ პერიოდში საქართველოში სულ $22 მილიონი დოლარის ღირებულების ავტომობილების იმპორტი განხორციელდა,…