საქართველოს დერეფანში გაზის ტრანზიტი რეკორდულად გაიზარდა

საქართველოს დერეფანში ბუნებრივი გაზის ტრანზიტი გაიზარდა.

2023 წელს ქვეყანაში არსებული ორი მილსადენით 23.780 მლრდ კუბ. მეტრი გაზის ტრანზიტი განხორციელდა, რაც 2022 წელთან შედარებით, 1.4 მლრდ კუბ. მეტრით ანუ 6.3%-ით გაზრდილი მაჩვენებელია.

შედარებისთვის, 2010 წელს საქართველოზე გამავალი მილსადენებით მხოლოდ 5.9 მლრდ კუბ. მეტრი გაზის გატარება ხდებოდა.

2023 წელს “სამხრეთის გაზის დერეფნის” მილსადენით 21.420 მლრდ კუბ.მ გაზი გავიდა, ჩრდილოეთ- სამხრეთ კავკასიის გაზსადენით 2.360 მლრდ კუბ. მეტრის გატარება მოხდა.