საქართველოს სუპერმარკეტების რეიტინგი თიბისი კაპიტალის კვლევის მიხედვით

საქართველოს სუპერმარკეტების რეიტინგი თიბისი კაპიტალის კვლევის მიხედვით

თიბისი კაპიტალის სწრაფად ბრუნვადი სამომხმარებლო პროდუქციით ვაჭრობის სექტორის (FMCG) განახლებული მიმოხილვის თანახმად, 2022 წელს ჯამური FMCG ბაზრის მოცულობა მოსალოდნელზე მეტად, წლიური 37%-ით გაიზარდა, რაც გაუთვალისწინებელი ფაქტორებით იყო გამოწვეული.

კვლევაში აღნიშნულია, რომ ზრდა განპირობებული იყო მოსახლეობის დანახარჯების მატებით, მაღალი ინფლაციით, ტურიზმის სწრაფი აღდგენით და მიგრანტების დანახარჯებით.

„მოკლევადიან პერსპექტივაში ორგანიზებულ FMCG ბაზარზე მაღალი წლიური ზრდის ტემპებია მოსალოდნელია, რაც განპირობებული იქნება როგორც არსებული საცალო მოვაჭრეების გაფართოებით, ისე ახალი მოთამაშეების გამოჩენით“, – წერია კვლევაში.

ამასთან, დედაქალაქის ბაზარი საკმაოდ გაჯერებულია ორგანიზებული საცალო მოვაჭრეებით, ხოლო რეგიონული ბაზარი საკმაოდ დაბალი პენეტრაციით ხასიათდება.

„2022 წელს, ორგანიზებული ბაზრის გადანაწილება მიგვანიშნებს, რომ ბაზარი საკმაოდ მაღალი კონკურენციით ხასიათდება და მიუხედავად შედარებით მცირე ზომის კომპანიების წილის კლებისა, მეტწილად დივერსიფიცირებულია შვიდ კომპანიას შორის. 2022 წელს მნიშვნელოვანი ცვლილებები ბაზრის გადანაწილებაში არ დაფიქსირებულა, თუმცა აღსანიშნავია, რომ მიუხედავად მაღალი კონკურენციისა, ბაზარზე გამოჩნდნენ ახალი მოთამაშეები, რისი ეფექტიც სრულად მიმდინარე წლის შეჯამებაში გამოჩნდება. ასევე, 2023 წლის იანვრიდან მნიშვნელოვანი ცვლილებები განხორციელდა ფრენჩაიზების კუთხით, რაც ბაზრის მეტ დივერსიფიცირებას გამოიწვევს:

FMCG სექტორის ორგანიზებული ბაზრის წილი კომპანიების მიხედვით:

„ნიკორა“ – ბაზრის 18.1%;
„ორი ნაბიჯი“ – 17.0%
სპარის სხვა ფრენჩაიზები(დეილი, სპარი) – 16.8%
კარფური – 15.0%
მაგნიტი – 10.8%
გუდვილი – 4.3%
აგროჰაბი 4.1%

შედარებით მცირე ზომის კომპანიები – 13.8%

ფრესკო – 3.1%
მემო/უნივერსამი – 3.0%
ზღაპარი – 3.0%
მადაგონი – 2.2%
ევროპროდუქტი – 1.3%
ექსპრეს ქსელი – 1.1%
სმარტი – 0.9%.

მსგავსი სიახლეები

ღვინის ტურიზმი საქართველოში

ღვინის ტურიზმი საქართველოში

ქეთევან ქველაძე – ეკონომიკის დოქტორი, უფროსი მეცნიერთანამშრომელი; ნუნუ ქისტაური – ეკონომიკის დოქტორი, უფროსი მეცნიერთანამშრომელი; მედეა მელაშვილი – მეცნიერთანამშრომელი მსოფლიოში ღვინის ტურიზმი…
კონტროლი უნდა გამკაცრდეს, სამშენებლო მანქანები ქუჩებს არ უნდა აბინძურებდნენ – მერი

კონტროლი უნდა გამკაცრდეს, სამშენებლო მანქანები ქუჩებს არ უნდა აბინძურებდნენ…

სამშენებლო მოედნებიდან გამოსული მანქანები დედაქალაქში ეკოლოგიურ და ინფრასტრუქტურულ პრობლემებს ქმნიან, – ამის შესახებ მთავრობის სხდომაზე მერმა განაცხადა. კახა კალაძე ამბობს, რომ…
საქართველოს რამდენი მოქალაქე დასაქმდა 2023 წელს ლეგალურად გერმანიასა და ისრაელში? – ანგარიში

საქართველოს რამდენი მოქალაქე დასაქმდა 2023 წელს ლეგალურად გერმანიასა და…

ჯანდაცვის სამინისტრომ „დასაქმების პოლიტიკის დაგეგმვისა და განხორციელების 2023 წლის ანგარიში“ წარმოადგინა. ანგარიშის მიხედვით, ლეგალური დასაქმების სახელმწიფო პროგრამით 2023 წელს გერმანიაში 1 193 პილი დასაქმდა,…