საქსტატი წინა წლების ეკონომიკური ზრდის მაჩვენებლებს გადაითვლის

საქსტატი წინა წლების ეკონომიკური ზრდის მაჩვენებლებს გადაითვლის

წინა წლების მთლიანი შიდა პროდუქტის ზრდის მაჩვენებლები გადაითვლება – ამის შესახებ ინფორმაციას საქსტატი ავრცელებს. განახლებული მონაცემები 12 თებერვალს გამოქვეყნდება და ის 2010-2023 წლების მაჩვენებლებს მოიცავს.

საქსტატის თანახმად, სტატისტიკური მაჩვენებლების გადასინჯვა საერთაშორისო პარტნიორებთან კონსულტაციებით განხორციელდა და ის ყოველ 5 წელიწადში ერთხელ არის რეკომენდებული.

“ეროვნულ ანგარიშთა სისტემა აერთიანებს მთლიან შიდა პროდუქტსა (მშპ) და მთელ რიგ მაკროეკონომიკურ მაჩვენებლებს. ის წარმოადგენს ინტეგრირებული მაკროეკონომიკური ანგარიშებისა და ბალანსების ერთობლიობას, რომელიც ეფუძნება საერთაშორისო დონეზე შეთანხმებულ ცნებებს, კლასიფიკაციებს და აღრიცხვის ზოგად წესებს. მისი მეთოდოლოგიური საფუძველია გაეროს, ევროსტატის, საერთაშორისო სავალუტო ფონდის, მსოფლიო ბანკის და ეკონომიკური თანამშრომლობისა და განვითარების ორგანიზაციის მიერ შემუშავებული საერთაშორისო სახელმძღვანელო (System of National Accounts (SNA), 2008).

საქართველოში მშპ-ის ისტორიული მწკრივის გადაანგარიშება უკანასკნელად 2019 წლის ნოემბერში განხორციელდა, ხოლო შემდგომი გადაანგარიშება იგეგმებოდა 2023 წელს. თუმცა 2023 წლის შემოდგომაზე ევროსტატის, UNECE-ს და EFTA-ს მიერ განხორციელებული სტატისტიკის სისტემის გლობალური შეფასების ერთ-ერთი რეკომენდაციის მიხედვით, საქართველოს მიერ მსგავსი ტიპის აქტივობები, შესაბამისობაში უნდა იყოს ევროპის მონაცემთა გადასინჯვის ჰარმონიზებულ პოლიტიკასთან (Harmonized European Revision Policy), რომლის მიხედვითაც გადასინჯვის პერიოდად ევროკავშირის ქვეყნებისთვის მიჩნეულია 2024 წელი.

მონაცემთა გადაანგარიშების პროცესში განხორციელებული აქტივობები იყოფა ორ ჯგუფად: 1. მონაცემთა წყაროების გაუმჯობესება, ახალი სტატისტიკური გამოკვლევების ჩატარებისა და დამატებითი ადმინისტრაციულ მონაცემთა წყაროების დამუშავების საფუძველზე. 2. მეთოდოლოგიური ხასიათის ცვლილებები, IMF-ის რეკომენდაციების შესაბამისად.

ზემოთქმულიდან გამომდინარე, მონაცემთა გადაანგარიშების პერიოდად (განახლებული მონაცემების გამოქვეყნების თარიღად) შეირჩა 2024 წლის თებერვალი. გადაანგარიშება მოიცავს ისტორიულ მწკრივს 2010 წლიდან, ხოლო მასთან დაკავშირებული სამუშაოები მიმდინარეობს 2023 წლის იანვრიდან, IMF-ის ექსპერტების ჩართულობით,”- ნათქვამია საქსტატის მიერ გამოქვეყნებულ ინფორმაციაში.

მსგავსი სიახლეები

ლაშა ხუციშვილი და ნათია თურნავა IMF-ის დირექტორის მოადგილეს შეხვდნენ

ლაშა ხუციშვილი და ნათია თურნავა IMF-ის დირექტორის მოადგილეს შეხვდნენ

ფინანსთა მინისტრმა ლაშა ხუციშვილმა და ეროვნული ბანკის პრეზიდენტის მოვალეობის შემსრულებელმა ნათია თურნავამ IMF-ის მმართველი დირექტორის მოადგილესთან, ბო ლისთან გამართეს შეხვედრა. მხარეთა…
ევროპის ცენტრალური ბანკი განაკვეთს მალე შეამცირებს – ლაგარდი

ევროპის ცენტრალური ბანკი განაკვეთს მალე შეამცირებს – ლაგარდი

ევროპის ცენტრალური ბანკის ხელმძღვანელის, კრისტინ ლაგარდის განცხადებით, უწყება რეფინანსირების განაკვეთს უახლოეს მომავალში შეამცირებს. მართალია, ბანკირს ზუსტი თარიღი არ დაუსახელებია, თუმცა ექსპერტები…
თბილისის ენერგომოხმარება იზრდება – “თელასი” ანგარიშს აქვეყნებს

თბილისის ენერგომოხმარება იზრდება – “თელასი” ანგარიშს აქვეყნებს

კომპანია „თელასმა“ 2024 წლის პირველი კვარტალის ოპერაციული მაჩვენებლები გამოაქვეყნა. ანგარიშის მიხედვით, თბილისის აბონენტების მიერ მოხმარებული ელექტროენერგია წლიურად 5.5%-ით არის გაზრდილი. ასევე…