სახელმწიფო ელექტროსისტემა $39 მილიონად მესტიაში ახალ ქვესადგურს ააშენებს

სახელმწიფო ელექტროსისტემა $39 მილიონად მესტიაში ახალ ქვესადგურს ააშენებს

„საქართველოს სახელმწიფო ელექტროსისტემა“ სვანეთში, მესტიის მუნიციპალიტეტში ახალ ქვესადგურს ააშენებს, რაზეც კომპანია $38.8 მილიონ დოლარს დახარჯავს. დღეს კომპანიის გენერალურმა დირექტორმა გიორგი გიგინეიშვილმა ტენდერში გამარჯვებულმა ამხანაგობა „ბემონი-იეოს“ წარმომადგენლებმა – YEO-ს დირექტორთა საბჭოს თავმჯდომარემ თოლუნაი ილდიზმა და „ბემონი ინჟინერია და მშენებლობის“ ხელმძღვანელმა გიორგი მირცხულავამ ქვესადგურის „იდლიანი 500“  მშენებლობის ხელშეკრულებას მოაწერეს ხელი.  

ქვესადგურის მშენებლობა სვანეთში ახალი ენერგეტიკული ობიექტების პროექტებს უკავშირდება, რადგანაც მათი განხორციელების შემთხვევაში სვანეთში ქვესადგურების სიმძლავრის მატებაა აუცილებელი. 

“პროექტის განხორციელების შედეგად, საქართველოს ენერგოსისტემას შეემატება უნიკალური, უახლესი ტექნოლოგიებით აღჭურვილი ქვესადგური, რომელიც უზრუნველყოფს სვანეთში მშენებარე ჰიდროელექტროსადგურების სიმძლავრეების ქსელში ინტეგრაციას, რაც ხელს შეუწყობს ელექტროენერგიის იმპორტზე ქვეყნის დამოკიდებულების შემცირებას.

ქვესადგურის პროექტირება-მშენებლობის სამუშაოებს ამხანაგობა „ბემონი-იეო“ ორი წლის ვადაში დაასრულებს. პროექტის ღირებულება დაახლოებით 38,8 მილიონ  დოლარს შეადგენს,”- ნათქვამია სახელმწიფო კომპანიის მიერ გავრცელებულ ინფორმაციაში. 

მსგავსი სიახლეები

მეცნიერების პრიორიტეტულობა: რა როლს ასრულებს საქართველოს მეცნიერებათა აკადემია ქვეყნის განვითარების პროცესში?

მეცნიერების პრიორიტეტულობა: რა როლს ასრულებს საქართველოს მეცნიერებათა აკადემია ქვეყნის…

ეკონომიკურ მეცნიერებათა დოქტორი, საქართველოს მეცნიერებათა ეროვნული აკადემიის აკადემიკოს-მდივანი, აკადემიკოსი ვლადიმერ პაპავა „პრაიმტაიმთან“ ინტერვიუში საუბრობს აკადემიის საქმიანობასა და მის მნიშვნელოვან როლზე თანამედროვე…
ლაშა ხუციშვილმა და ნათია თურნავამ IMF-ის მისიასთან შემაჯამებელი შეხვედრა გამართეს

ლაშა ხუციშვილმა და ნათია თურნავამ IMF-ის მისიასთან შემაჯამებელი შეხვედრა…

ფინანსთა მინისტრმა ლაშა ხუციშვილმა და სებ-ის პრეზიდენტის მოვალეობის შემსრულებელმა ნათია თურნავამ საერთაშორისო სავალუტო ფონდის მისიასთან შემაჯამებელი შეხვედრა გამართეს. შეხვედრის შესახებ ინფორმაციას…
2025 წლის ეკონომიკური ზრდის მოლოდინები – Galt & Taggart

2025 წლის ეკონომიკური ზრდის მოლოდინები – Galt & Taggart

2024 წელს საქართველოს ეკონომიკა 9.5%-ით გაიზარდა. ამასთან, წლის ბოლოს ეკონომიკური ზრდის ტემპი 6.7-%-მდე შენელდა, თუმცა ეს მაინც მაღალი მაჩვენებელია და კოვიდპანდემიამდე პერიოდის ისტორიულ ზრდის ტემპებს აღემატება. რაც…