აშშ-ის სენატის საშინაო უსაფრთხოების კომიტეტმა რუსეთის მიერ ამერიკული წარმოების ჩიპების სანქციების გვერდის ავლით მიღების თაობაზე იმსჯელეს. სენატორებმა განაცხადეს, რომ რუსულ სამხედრო შეიარაღებაში კვლავ გამოიყენება ამერიკული ტექნოლოგიური კომპანიების – Intel-ის, AMD-ის, Texas Instruments-ისა და Analog Devices-ის ჩიპები, რომელთა მიწოდებაც სანქციებით არის აკრძალული.
გამოქვეყნდა აღნიშნულ მოსმენაზე სენატის კომიტეტის მიერ მომზადებული დოკუმენტი, სადაც ინფორმაციის სახით სხვადასხვა სტატისტიკური მაჩვენებელი არის მოყვანილი. აღნიშნული მონაცემები წარმოდგენილია 2021 და 2022 წლებისთვის (2023 წლის მაჩვენებელი სენატს მოხსენიებული არ აქვს). ანგარიშის თანახმად, პროცენტულად ყველაზე მაღალი ზრდა ექსპორტის მხრივ დაფიქსირდა ყაზახეთში, ხოლო რაოდენობრივად ყველაზე მეტად 54 მილიონი ჩიპით იმპორტი ფინეთში გაიზარდა.
საქსტატის მონაცემებით, საქართველოში პროცესორების იმპორტი წლების მიხედვით ასე ნაწილდებოდა: 2023 წელი – 1.9 მლნ დოლარი; 2022 წელი – 0.6 მლნ დოლარი; 2021 წელი – 1.3 მლნ დოლარი; 2020 – 2.5 მლნ დოლარი. სტატისტიკის თანახმად, საქართველომ 2023 1.5 მლნ დოლარის ჩიპები შეიძინა ჰონგ-კონგიდან, 111 ათასი დოლარის ჩიპები ნიდერლანდებიდან, 53 ათასი დოლარის ჩიპები დანიიდან, 43-43 ათასი დოლარის ჩიპები კი შვედეთიდან და ჩინეთიდან. რაც შეეხება ჩიპების ექსპორტს (რეექსპორტს) საქართველოდან 2023 წელს უცხოეთში 261 ათასი დოლარის პროცესორები გავიდა, აქედან 77 ათასი დოლარის სომხეთში, 58 ათასი დოლარის ნიდერლანდების, 37 ათასი დოლარის უზბეკეთში, 36 ათასი დოლარის აზერბაიჯანში, 18 ათასის ყაზახეთში, $16 ათასის უკრაინაში, ხოლო $15 ათასის თურქეთში.
ლენტეხის მუნიციპალიტეტში, მდინარე ცხენისწყალზე 22 მგვტ დადგმული სიმძლავრის ჰიდროელექტროსადგურის – “ცხენისწყალი 1 ჰესის” მშენებლობა მიმდინარე წელს დაიწყება. როგორც პროექტის განმახორციელებელი კომპანიის –…
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის…
2024 წლის პირველ ნახევარში საქართველოში ჩინეთიდან ავტომობილების იმპორტი გაორმაგდა – აღნიშნულ პერიოდში საქართველოში სულ $22 მილიონი დოლარის ღირებულების ავტომობილების იმპორტი განხორციელდა,…