საქსტატმა სექტემბრის საგარეო ვაჭრობის წინასწარი ანგარიში გამოაქვეყნა. დოკუმენტის თანახმად, გასული თვის განმავლობაში საქართველოდან უცხოეთში 528 მილიონი დოლარის ღირებულების საქონელი გავიდა ექსპორტზე, რაც წინა წლის ანალოგიურ პერიოდთან შედარებით 4 მილიონი დოლარით, ანუ 0.8%-ით მეტია.
რაც შეეხება წლის პირველ ცხრა თვეს, ჯამში საქართველოს ექსპორტი 4.6 მილიარდი დოლარი იყო, რაც წინა წლის ანალოგიურ პერიოდთან მიმართებით 12.7%-ით მეტია.
იმპორტის ზომამ კი 1.25 მილიარდი დოლარი შეადგინა, რაც წინა წელთან შედარებით 10%-ით, ანუ 114 მილიონი დოლარით მეტია. მთლიანად 9 თვის იმპორტი კი 11.3 მილიარდი დოლარი იყო, რაც წლიურად 18%-ით არის გაზრდილი.
საქართველოს საგარეო ვაჭრობის დეტალური მონაცემები გამოქვეყნდება მიმდინარე წლის 19 ოქტომბერს. შესაბამისად ამ დღეს გახდება ცნობილი რა საქონლის იმპორტი და ექსპორტი გაიზარდა სექტემბერში.
ენერგეტიკული ბირჟის გახსნის შემდეგ, საქართველოს ანალოგიური პლატფორმის ამოქმედება გაზის სექტორშიც მოუწევს. ეს იმ ვალდებულების ნაწილია, რომელიც საქართველომ ევროპის ენერგეტიკულ გაერთიანებაში გაწევრიანებით…
სახელმწიფო ტაბახმელაში ქონებას ელექტრონულ აუქციონზე 1 225 000 ლარად ყიდის. ქონების ეროვნულმა სააგენტომ სოფელ ტაბახმელაში 5 834 კვ.მ.-ის ფართობის არასასოფლო-სამეურნეო დანიშნულების…
2024 წლის სექტემბერში ქვეყანაში შემოსული ფულადი გზავნილების ნაკადების მოცულობამ 283.4 მლნ აშშ დოლარი შეადგინა, რაც 1.1%-ით (3.0 მლნ აშშ დოლარით) ნაკლებია…