სტამბოლის შეთანხმების შედეგად უკრაინიდან 3.7 მლნ ტონა მარცვლეულია ექსპორტირებული

სტამბოლის შეთანხმების შედეგად უკრაინიდან 3.7 მლნ ტონა მარცვლეულია ექსპორტირებული

უკრაინის ინფრასტრუქტურის სამინისტროს ინფორმაციით, სასოფლო-სამეურნეო პროდუქტით დატვირთულმა ჯამში 165-მა გემმა დატოვა უკრაინის პორტები თურქეთისა და გაეროს შუამავლობით მიღწეული შეთანხმების ფარგლებში. უკრაინის შავი ზღვის ბლოკირებული პორტებიდან ჯამში დაახლოებით 3.7 მლნ ტონა პროდუქტია ექსპორტირებული.

სამინისტროს ინფორმაციითვე, მხოლოდ დღეს პორტებიდან 169 300 ტონა პროდუქტით დატვირთული 10 გემი გავა. რუსეთის მიერ უკრაინაში ომის დაწყების შემდეგ უკრაინიდან მარცვლეულის ექსპორტი გაჩერდა. შედეგად მსოფლიოში სურსათზე ფასი გაიზარდა, ხოლო აფრიკის ქვეყნები სურსათის დეფიციტის საფრთხი წინაშე აღმოჩნდნენ, რადგან უკრაინა მსოფლიოში მარცვლეულის ერთ-ერთი მსხვილი ექსპორტიორია.

როგორც Reuters წერს ომამდე ქვეყნდიდან თვიურად 6 მლნ ტონამდე მარცვლეული გადიოდა ექსპორტზე. ივლისში რუსეთთან ხელმოწერილი შეთანხმების ფარგლებში შავი ზღვის სამი პორტი გაიხსნა.

კერძოდ, უკრაინამ და რუსეთმა 22 ივლისს, სტამბოლში გააფორმეს შეთანხმებები თურქეთთან და გაეროსთან, უკრაინის სამი პორტის – ოდესის, ჩერნომორსკისა და იუჟნის – გათავისუფლების შესახებ. ეს პორტები ბლოკირებული იყო მას მერე, რაც თებერვლის ბოლოს რუსეთი უკრაინაში შეიჭრა. უკრაინის ინფრასტრუქტურის სამინისტროს ინფორმაციით, ამპორტებს თვიურად 100-150 სატვირთო გემის გატარება შეუძლიათ.

მსგავსი სიახლეები

ფქვილზე ხუთი თვით საიმპორტო საფასური წესდება

ფქვილზე ხუთი თვით საიმპორტო საფასური წესდება

საქართველოს მთავრობა იმპორტირებულ ფქვილზე დროებით, 5 თვის ვადით, საიმპორტო საფასურის დაწესებას გეგმავს, რომელიც ძალაში, სავარაუდოდ, 10 ივნისიდან შევა. ამის შესახებ bm.ge-ს…
„მაღალანაზღაურებადი პირების ხელფასები უფრო გაიზარდა, ვიდრე -დაბალანაზღაურებადი კადრების“ – სოსო ბერიკაშვილი

„მაღალანაზღაურებადი პირების ხელფასები უფრო გაიზარდა, ვიდრე -დაბალანაზღაურებადი კადრების“ –…

PMC კვლევითი ცენტრის თანახმად, 2015 წლიდან 2022 წლამდე საქართველოში დაქირავებით დასაქმებულთა ნომინალური ხელფასი 76.8%-ით გაიზარდა, თუმცა ინფლაციის გათვალისწინებით, ამავე პერიოდში ხელფასების…
კიდევ რამდენ დოლარს შეისყიდის ეროვნული ბანკი? – მესტვირიშვილის პასუხი

კიდევ რამდენ დოლარს შეისყიდის ეროვნული ბანკი? – მესტვირიშვილის პასუხი

აპრილის განმავლობაში საქართველოს ეროვნულმა ბანკმა უპრეცედენტო მასშტაბის სავალუტო ინტერვენცია განახორციელა და ბაზრიდან $322 მილიონი დოლარი შეისყიდა. 2023 წლის 4 თვის განმავლობაში…